ماما حلمت انها فتحت باب شقتنا وبعدين لقت المدخل بتاع السلم اللى قدام باب شقتنا كله سيراميك عريض ابيض والمدخل شكله منور ونضيف اوووى فا هى استغربت ان دة كان قدام شقتنا احنا بس وان صاحب البيت هو اللى عامله على حسابه فا ماما بتقوله هندفع كام علشان التوضيبات دى قالها لا مش هتدفعوا اى حاجه فا ماما اتبسطت اكتر وبعديين احنا قدا باب شقتنا كدة على امتداد السلم زى شباك مكان شباك يعنى متقفل اسمنت بس داخل لجوة فا ماما لقت واحدة من العمال بيقفله ويساويه بباقى الحيطه علشان يحط عليه السيراميك الابيض دة وبيقفله واحدة واحدة
واحنا الدور الوحيد اللى اتعمل سيراميك وماما بتقول كان شكله تحفه
ظروفنا عموما
ماما حالتها النفسيه كويسه ونقيه من جواها وقريبه من ربنا وبتصلى الفروض كلها الحمد لله وهى نفسها ان ربنا يفرحها بيا خصوصا ان ربنا يكرمنى بوظيفه حكوميه لانها نفسها تطمن عليا
وانا من فترة كنت امتحنت ف وظيفه ف بنك وبعديين لسه ماردوش عليا بس انا عكيت شويه ف الاجابات للاسف ومعنديش امل انى انجح
بس بدعى ربنا يمكن تحصل المعجزة وكنتا انا بقول النهاردة نفسى فى اى بشرة خير يارب تبشرنى باى شىء
فا انا مش عارفه الحلم مرتبط بموضوع الوظيفه ولا لا
وماما موظفه
تمت الموافقه
خيرا نتلقاه و شرا نتوقاه
ان صدقت الرؤيا
الرؤيا بشارة خير بتغير الحال للافضل ان شاء الله و تيسير الامور لها و تحقق ماتتمناه
و هناك امر غير متوقع حدوثه سوف يحدث و يسعدكم ان شاء الله و الله اعلم