اشحالكن خواتي .. عساكن بخير وصحه وسلامه
خواتي انا ابي اسالكم كم من سؤال .. واايد خايفه منهم وان شاء الله اشوف نصايحكن
خواتي انا من يومين كنت اسير الذيد ويا الاهل (( الاثنين والاحد )) وانا في الشهر الخامس .. يوم ردينا البارحه تقريبا من المغرب لين اليوم (( الثلاثاء )) ماحسيت ابحركة البيبي وانا وااايد خايفه .. لانه الحمدلله كان البيبي كل ساعه تقريبا يتحرك .. فما ادري شو نصايحكن واذا في حد مر ابهالموقف اتخبرني .. الله يوفجكن ..؟؟؟
والشي الثاني انا ملاحظه من فتره تقريبا اقل من شهر مثل افرازات .. مادري هل هي طبيعيه ولا ؟؟؟
والسمووحه عالاطالة .. طمنوني فديتكن ..
أختكن
ام مهره
روحي حبيبتي أقرب مستشفي او عيادة وخلي الدكتورة تسمع نبضات قلب الجنين
وانشالله يكون بخير ؛نفس السالفة استوت عندي ورحت اقرب عيادة وقلت للدكتور
عن خوفي وقلت لي بتاكد لج الحين والحمدالله طلع اوكي
أما بخصوص الافرازات أنا بعد نفس مشكلتك وانا في الشهر الخامس
فاتمني حد يفيدنا
والله ماعرف شو اقولج الغاليه
استشيري الدكتوره عشان تطمنج ع البيبي وان شاء الله مافي شي
انا مره استوالي جي كان البيبي طول اليوم يتحرك واحس بنبضات قلبه وثاني يوم وقف كل شي حتى قلبه ماكنت احس فيه
طول اليوم كنت احاتي واوسوس وريلي كان زام وكنت بروحي مب عارفه شو اسوي بعمري .. حتى كلت كاكاو قلت يمكن بحس بحركته لأن الكاكاو ينشط البيبي بس مافي فايده
والحمدالله اليوم اللي بعده اشوف رد يرافس خخخخ طيح لي قلبي والله ^_^
نفس المشكله!!!!!!!!!!!
حبيبتي انا يوم كنت فالخامس كنت جذه….مرات يمر عليه يوم ولا يومين ما يتحرك والحمدلله كان الكل يطمني يقولون هالشي عادي…بس طبعا بما اني بجر كنت واااااااااااااايد احاتي وما ارتاح الا لما احس بالحركه لو بسيييييييطه…
بس الحمدلله الحين فالسادس غييير…..
يزاااكن الله خير فديتكن
الله يطمن قولبنا انشاء الله ويكون البيبي بخير وصحه يارب
وان شاء الله اذا عرفت اي شي برد اخبركن
سواء عن الحركه و الافرازات
بي يوفجناويحفلنا البيبي يارب .. قولن آآمين
والسمووحه تراه البجر وعشان جذه واايد احااتي
والله ييسر الامور يارب
أختكن
ام مهره
انتي مثلي اختي انا بعد وايد احاتي بس كلام البنات طمني وما قصروا
وبوكل امري لله