السلام عليكم..
خواتي حبيت استفسر منكم.. بيت الوالد ما شاء الله عندهم حديقه جميله وكبيره وكان في مزارع وسافر ويابوا مزارع ثاني بس فظيييييييييييييييييع ما يعرف اي شي عن الزراعه.. المهم رديناه وندور على مزارع او عامل عنده خبره في الزراعه والاهتمام بالحدائق وتنظيفها وسقيها ورعايتها.. وبيكون متوفر له سكن في البيت.. عندكم فكره من وين اقدر احصل واحد فاهم ونشيط؟ المشكله الوالده الله يطول عمرها يالسه تعابل بالحديقه بروحها والاخوان مب في البيت حاليا.. وتعبت فديتها وايد بسبب الحر والاهمال خاصه ان البني آدم اللي يابوه اخر مرة اونه مزارع اهمل كل شي وماتت اشجار وتعبت الحديقه 
للعلم البيت في العين
اللي عندها فكره تخبرني وجزاكم الله خير
بناااااااااات كل هالعدد يمر عالموضوع ولا رد؟؟؟؟!!
تقدرين اختي تتعاقدون مع شركة خاصة وتهتم بكل شيء وبخصوص السقي الحين ما يحتاي مزارع تحطين التنقيط والتايمر وبروحة يسقي الماي ويبند بروحه حتى لو تسافرون شهر وتردون ما يضر الزراعة شيء لان الماء يسقي بروحه والشركة تيكم في الاسبوع مرة عشان التنظيف والعناية وتسميد الزراعة
على فكرة انا مسوية جذي في بيتي لاني مثلكم يبت مزارع والله يسامحة موتلي نص الزراعة رغته والحين الحمدلله كل شي اوكي واتوماتيك وحتى الحشيش رد اخضر بعد ما يبس
للرفع
هلا اختي …
انا بخبرج عن طريقتنا "نحن الله يسلمج ماخذين عامل مال البلدية ويشتغل عندنا باليومية ,يسقي وينظف ويقص العشب وكل شي بس هذ كله بعد دوامه يعني يبدا من الساعه 4 ونعطيه راتب"300" درهم لانه يشتغل باليوميه طبعا بس نحن انجمعهن ونعطيه اياهن اخر الشهر …
واذا عيبكم شغلة بعدين قردنوه قولوله بنعطيك معاش زين وسكن وكل شي وتعال اشتغل عندنا دايم وبس
والله يوفقكم
نحن بعد متعملين مع عمال البلديه من الساعه 4 لين الساعه 7 ونعطيه من 200 الى 250
جزاكم الله خير خواتي..
المشاركة الأصلية كتبت بواسطة (سنقباسية) 
على فكرة انا مسوية جذي في بيتي لاني مثلكم يبت مزارع والله يسامحة موتلي نص الزراعة رغته والحين الحمدلله كل شي اوكي واتوماتيك وحتى الحشيش رد اخضر بعد ما يبس
مشكورة فديتج وكلامج صحيح نحن مسوين شبكة تنقيط ولكن زرعوا شجر يديد وما سووله الشبكه بالاضافه لوجود لاندسكيب مصمم بطريقه معينه وما ينفع الا بالسقي اليدوي
ممكن تعطيني اسم الشركه او عنوانهم ورقم تلفونهم؟
المشاركة الأصلية كتبت بواسطة 7aram ali انا بخبرج عن طريقتنا "نحن الله يسلمج ماخذين عامل مال البلدية ويشتغل عندنا باليومية ,يسقي وينظف ويقص العشب وكل شي بس هذ كله بعد دوامه يعني يبدا من الساعه 4 ونعطيه راتب"300" درهم لانه يشتغل باليوميه طبعا بس نحن انجمعهن ونعطيه اياهن اخر الشهر …
واذا عيبكم شغلة بعدين قردنوه قولوله بنعطيك معاش زين وسكن وكل شي وتعال اشتغل عندنا دايم وبس
والله يوفقكم
فديتج ممكن رقمه؟ او اذا يقدر يدلنا على واحد من زملاءه؟؟
المشاركة الأصلية كتبت بواسطة سوارة ممكن رقمه فديتج؟ او اذا ممكن يعطينا رقم حد من زملاءه؟