السلام عليكم ورحمة الله
أدري العنوان كأنه إعلان لبيع حبوب الصبار ولكن بخبركم عن تجربتي مع حبوب الصبار
أنا وزني 76 و طولي 156 بالضبططططط ،، جربت الحبوب عقب تفكيييييييييييير و عقب استشارة من وحدة تلاقيت وياها في اجتماع بالدوام ، الحبوب خذتها من تجار البلاك بيري الي يبيعون ومايعرفون شو يبيعون بالضبط ، صارو يبيعون بأرواح الناس
قصتي مع الحبوب : خذت أول حبتين قبل الريوق ، مع كوب ماي كبير …… 
تميت نص ساعة شبعااااااانة و مابا ريوق (خقاقة بعد) ، و فجأة سطلت تسطيلة عدل
حتى كانو اليهال يتضاربون و مالي خلق أرد ولا أزاعق عليهم حسيت نفسي مخدرة و مالي في الحياة حياة ،
و تميت طول اليوم على هالوضع لين طفرت ، و حلفت اليوم الثاني ما أخذها ..
و عقب كم يوم قريت بالبلاك بيري عن وحدة توفت بالحبوب هاي ، الله يرحمها و يغمد روحها الجنة ،
نصيحة من مجرب ، تمو على الرجيم الي كل يوم يخترب ولا تاخذون حبوب ولا مواد تسمم الجسم
و اذا تبون تخفون بسرعة ماعليكم الا بالرياضة و الزومبا و الاكل الصحي …
اختكم : موزان حمود 
للأسف انا بعد استخدمهن الحين تقريبا من 3 اسابيع
النتائج اللي حصلت عليها عكسيه تماما
اول شي صرت عصبيه بشكل مب طبيعي لدرجة اني صرت اضرب عيالي بدون سبب
ضربات القلب عندي زادت بشكل كبير
صرت ما اقدر امشي وايد الا وأحس بأختناق وضيق بالنفس
لكن ما نزلت ولا غرام
بس انا استخدمت حبوب صبار للتخسيس و ضعفت و نزل وزني قريب ال١٥ كيلو وما حسيت بشي .. و كنت اسوي رياضه …
صح كنت احس ب كسل .. بس الحمدلله شي ثاني لا ..
يمكن ع حسب جسم كل وحده ولا انه في الاصلي و في التقليد
وربي يوفقكن خواتي