مرحبا بنات
بصراحة تعبت من كثر ماادور ف هالمواقع
ياليت البنات اللي ساروا لها يفيدونا
شو احسن فندق من حيث النظافة و الاهتمام و السعر يكون اوك
لاني شفت وايد اراء و الاغلب يمدح فندق فور سيزن و سن ايلند و غيرهم
و شو الافضل برايكم ؟ فندق ع الشاطي ولا بانجلو ف وسط البحر
ولو اجرنا بانقلو كيف طريقة وصولنا للمطاعم و الشاطي بتكون و شو رايكم بالاكل
و يحتاي اودي معاي حلويات و شبسات ولا لا
و بالنسبة للفراش نظيف ولا اخذ معاي وايد احاتي هالنقطة
مااحب انام بفراش حد مستعملنه قبلي
و هل تنفع لشهر عسل
اعذروني على كثرة الاسئلة
إن شاء الله البنات يفيدونج .. لاني بعدني يالسه اجمع معلومات عنها وماعندي اي خبره ^^
المالديف رووووووعة وخياااااااااااااااليه وتنفع لشهر العسل والاستجمام
وفندق فور سيزن وفندق دوست تاني وايد روعه ونظييييييييييييف والناس جداااا طيبه
وطبعا الأفضل كوخ فالبحر وعادي مسوين مكان تمشين فيه لين ماتطلعين من صوب البحر
والأكل رووووووووووووووووووووووووووووووووووووووووووعة وودي معاج جبسات عادي
وطبعا يتعاملون بالدولار …
وطرق النقل إذا كانت الجزيرة قريبة من المطار يكون بالطراد أما إذا بعيدة بالطيارة المائية
روحي ومابتندمين وأنا ناوية اكرر زيارتي مرة ثانية ان شاء الله
بتحصلين في موقع العرب المسافرون كل المعلومات عن جزر المالديف والفنادق وكل شي
شوفي حبيبتي .. اول شي لازم تقررين تروحين في الجو المناسب
عندج من شهر ١٢ لين نص شهر ٤ وباقي الشهور تكثر الامطار والرطوبه
طبعا هذا ما يمنع انج تسيرين لان المالديف جو متقلب.
***
ثاني شي .. في فنادق توصلين لها عن طريق الطائرة المائية في ناس يحبونها
ويشوفونها متعه ^^ وبعض الفنادق تكون قريبه بحدود ٢٥ الى ٣٠ دقيقه وتوصلين لها
عن طريق الطراد… طبعا ااذا معاج اطفال الطراد اامن اكثر من الطائرة 
****
وبالنسبة للنظافة فنادق ٥ نجوم نظييييييييفه لا تحاتين.
***
بالنسبه للغرف .. انتي وميولج.. في حد يحب عالشاطئ وجدامه البحر ممكن تقعدين العصر
برع عند غرفتج وتستمتعين … وفي ناس تحب البنقلو ع البحر ^^
وفي ناس يحجزون ليلتين بنقلو وعقب ليلتين ع الشاطئ.. للتنويع
وطبعا البانقلو له ممر طويل يربطج مع الجزيره تمشين لين توصلين..
****
بالنسبه للمطاعم كل جزيرة يكون فيها تقريبا مطعمين او ٣ منوعين
اذا انتي حابه ممكن تودين معاج جبس وحلويات بسكوت تصبييييره بين الوجبات
****
ومن الفنادق المقترحة:
****tara kihavah
****tara Naladhu
Havuan fushi
Four season
ولج حرية الاختيار
ويفضل يوم تحجزين تاخذي وجبتين
افطار وغدا / او افطار وعشا
.
واي استفسار انا حاضره
انا جربت جزيره اسمها باندوس
جميله و نظيفه ووايد حلوه
تبعد 10 دقايق عن المطار بالطراد
اختاري الوقت المناسب
لأنه في شهور يكون المحيط فيها هايج بسبب العواصف البحرية