جدولي النظافه والخلطات قبل العرس .

بنات حبيت أقولكم اليوم طريقتي الخاصه لسبوح عسب ماباجي شي عن عرسي غير شهر تقريباً
فباديه من 3أسابيع أهتم بعمري..

-لويهي ودرت الصابون وصرت أنظفه بسكينول الليمون ومقشر المشمش ضد الحبوب و3 مرات فالأسبوع أحط عليه روب ويه ليمون أو نشاء…والنتيجه بشرة بيضة وخاليه من العيوب..
-ريلي كل يوم قبل لرقاد أحط عليها جليسويد وألبس زلاق……النتيجه ريلي ناعمه شرات ريل اليهال وبيضة..
-أحط فازلين على شفايفي بكميه ويوم أقوم من النوم أفركه عدل مب بالفرشاه بقولكم بشو أنا أخذ فرشات أسنان فيها من الجهة الثانيه يعني من ورى نفس الشعيرات لتنظيف اللسان وأنا أستخدمه لشفايفي وبصراحه شفايفي قولو ماشالله ورديييييييييييييييييه حيل حتى أخوي يقولي أنتي متفيجه من أول ماتقومين تحطين روج…….لوووووووول
-لرموشي زيت الخروع والحمدالله رموشي أحسها بدت تطول.
لجسمي وهني الشغلانه إللي تاخذ كل وقتي…..
غسول simply delicate للمنطقة الحساسه لتخلص من الألتهابات والرائحة الكريهه…
الركب والأكواع مسويه خلطه وهي عبارة عن
_فازلين.
-جليسوليد
-جلسرين
زيت الخروع
_شويه فكس
وأحطه قبل النوم وبعد السبوح والنتيجه مرضيه إلى الان.
قبل ماأسبح أروش عمري بماي بس مب وايد عقب أفرك جسمي عدل بزيت زيتون ويه شكر خشن أفركه عدل مدل.
عقب أرش ماي عسب بقايه الشكر تخوز وأحط هني السر عاااااااااد أنا ملخطه هالسوالف كلها
-سكراب مشمش
-سكراب اللوز.
-1/2ملعقه حنا
-ملقه سدر
-جلسرين
-زيت الخروع
وعقب ماأخوز بقايا الشكر مثل ماقلت أفرك جسمي بهالخلطه بليفة مغربية عدل عدل:1 (6): كل مكان فجسمي وأركز على الأكواع والركب ومناطق الخطوط البيضاء.
عقب ترى السالفه ماخلصت أرد أفرك جسمي بحمام مغربي عدل
وبعد هاكله أنا شاريه صابونه تخسيس للأرداف والبطن والأفخاذ أفرك جسمي بيها أخر شي طبعا مع الرياضه بتحسون أنه مقاسات جسمكم قلت والنتيجه حسم أبيض خالي من العيوب ومشدود
صح نسيت خل التفاح أحطه فالماي مع الملح وأقعد فيه 10 دقائق يشد الجسم:22 (22):

ودمتم سالمــــــــــــــــــــــــــــــــــــــــــــــ ــــــين:1 (69):

أدعولي أني أكون حلوه فعرسي وأسعد زوجي