هلا وغلا بنات،، ياليت لو عندكم فكرة عن الدوام المسائي في جامعة الغرير.. ربيعتي موظفة وحابة تكمل دراستها ف مجال ادارة الأعمال وماعندها وقت تروح الجامعة الصبح لأنها موظفة واتصلت ف جامعة الغرير وخبروها ان عندهم دوام مسائي حق الموظفين… ياليت تخبروني، شو بالنسبة لتدريسهم وامتحاناتهم سهلة ولا صعبة.. يزاكن الله خير…
سألتي اذا ما فيها اختلاط يعني بنات مع اولاد ؟؟
اختي تبغي تدرس فيها لانها هيه بعد موظفه
وهي تفكر بجامعة وولنغ ونغ…سمعتي عنهاااا؟؟؟؟
خواتي كل جامعات دبي الخاصه فيها اختلاط
و جامعة الغرير يقولون انه كل شي عندهم خربوطي يعني تنجحين على البراد
للرفــــــع ^^
http://www.uaewomen.net/showthread.php?t=81768
هلا وغلا خواتي…
جامعة وولونغونغ الاسترالية وايد زينة بس امتحاناتهم صعبة وطويلة واغلب موادهم ف مجال ادارة الأعمال والحاسوب يعني الرياضيات عندهم اهم شي.. انا اخذت وياهم كورس لمدة 3 شهور وطلعت روحي من المذاكرة وآخر شي تنصدمين ان الامتحان صعب وطويل وحتى ساعتين مايسدن عسب تجاوبين عالأسئلة.. ومشكلة ثانية ان ماعندهم دوام مسائي لطلبة البكالوريوس، يعني الي بتسجل لازم تداوم صباحي، طلبة الماجستير يرومون يدرسون مسائي، وايد مراعين ظروفهم..، بس شهادة الوولونغونغ لها اعتبار كبير يوم الوحدة تقدم على وظيفة، لأنهم يعرفون الكراف الي يكرفونه للطلبة في الوولونغونغ.. والله يوفق الجميع.. ربيعتي قررت تدرس ف الغرير لأن مجال ادارة الأعمال يمدحونه ف هالجامعة، وطبعا الدراسة المسائية متوفرة للموظفين وللموظفات، التسجيل ف جامعة الغرير رح يخلص نهاية هالشهر والرسوم الي تدفعينها 1250 درهم، وف شهر 10 رح يبدون الدراسة ويروم الطالب يختار المساقات الي يباها حسب التخصص الي اختاره ويدفع المبلغ الباقي اظن حسب ماخبرتني ربيعتي 4000 او 3500 درهم، مب متذكرة بالضبط، بس رسومهم الدراسية وايد زينة ومناسبة للجميع.. الجامعة مختلطة بس اذا الوحدة موظفة وعمرها فوق الــ 22 او 25 معناها رح تكون تقدر تسيطر عالأمور وتوقف لكل واحد يتجاوز حدوده.. الله يوفقنا جميعا…واهم شي نسمع آراء البنات الي درسو ف جامعة الغرير هم جربو ويعرفون الوضع، اما الاشاعات الي تطلع على كل جامعة فهذا شي وارد لأن كل واحد تفكيره غير عن الثاني وكل واحد ظروفه مختلفة، وايد بنات يقولون اشيا سلبية عن كليات التقنية وعقب نشوف الطلبة الي يسجلون فيها زيادة عن السنة الي قبلها ونفس الشي عن جامعة العين وغيرها من الجامعات، الأغلب يقولون اشيا سلبية ومع هذا الكل يسجل ف هالجامعات، فياليت الخوات الي درسو او بعدهم يدرسون ف جامعة الغرير يشاركون بآراءهم عسب الكل يستفيد …ومشكورات عالمشاركة..