تكيس المبايض :(

شحااالكم ؟

بغيت اقولكم عن مشكلتي في التكييس …المشكلة وما فيها ان قبل ما كانت تيني الدورة ..كانت متوقفة عندي لمدة 3 شهور …ويوم راجعت الدكتورة قالتلي ان عندي تكيس في المبيض ع جهة اليسار ..وقالتلي انه صغير …ووصفتلي حبوب منع الحمل ( ياسمين ) قالتلي اخذه لمدة ثلاث شهور ..وكانت تيني الدورة بعد ما خذت الحبوب ..وبعد ثلاث اشهر الدورة كانت تيني طبيعي ..

بس بعد فترة اشوف ان الوضع رد مثل أول ..والدورة ما قامت تيني ..وقفت وها ثالث شهر ما تيني فيها الدورة ..فما عرف هل الاكياس ردت فيني

المشكلة ان بطني انتفخ ..وامي تقولي ها يمكن لان الدورة ما تيج عسب جي انتفخ بطنج
وانا اسوي ريااضة شد البطن ..يعني مواظبة عليه ..بس قمت اخاف انه هل هالشي يآثر بعد على الاكياس ؟

بصراحة نفسيتي تعبانة بسبة هالاكياس ..مع اني مب متزوجة بس بعد احاتي لما ما تيني الدورة

حد يفيدني باللي عنده مثل حالتي ..شو لازم اسوي وهل لازم اتعالج الحينه ..؟؟ولا اخلي هالشي عقب الزواج ؟؟ وهل الاكياس تأثر في الحمل ؟.؟
وشو عن الرياضة .؟؟ وشو تنصحوني اتريا هالشهر ولا اتعالج من باجر ,.؟

افيدوني الله يفيدكم

بس الدورة كانت اتييني اسبوع باسبوع ..يعني اسبوع دورة و اسبوع ما شي دورة أو اسبوع دورة و اسبوعين ما شي دورة

راجعت دكتورة نسائية ..سوت لي تلفزيون قالت ما فيني شي (في التلفزيون التكيس ما يبين لأنه غير المتزوجاات اتسويلهم من فوق فما يبين .. المتزوجاات اتسويلهم من دااخل)

المهم عطتني حبوب اتنظم الدورة .. اسمها progyluton

و توني استخدمهاا ما كملت 3 أساابيع من استخدمهاا <– لازم استمر عليهاا 3 أشهر

و عندي مشكلة شعري انه يتساقط بالهبل .. راجعت دكتور جلدية.. سألني عن الدورة .. و قلته كل شي

فقالي المنظم ما ينفع لازم حبوب منع الحمل ..

بس انا ما طعت أستخدم حبوب منع حمل <– لأني مب متزوجه .. هو يقول ما اتأثر ..