السلام عليكم
اكيد ربة بيت تحب الزين ويجيها ضيوف ولازم يكون فيه شيلة صلاة او سجادة للضيوف بمجلس الحريم وتبغي تكون مميزة ونظيفة دائما وبأي وقت….
هذه الطريقة اخذتها من زمان من منتدى ثاني وربي يجازي صاحبتها خير الجزاء بالدنيا والآخرى
الطريقة في تعطير شيل الصلاة..
الاغـــــــــراض
دخــــون
عود انا استخدم هذا او اي عود تحبيه
وصندوق لشيلة الصلاة والسجادة احفظهم فيه وايد رخيص الوسط 100 والاكبر شوي تكون فيه كم شيلة وكم سجادة 150 درهم
او كرتون هداية يفي بالغرض
ونفرش الصندوق او الكرتون من الداخل بشيفون حلو بلون المجلس او الغرفة ويكون تحت الشيفون قطعة دخون او عود وبعدين ترتبين شيلتج حق الصلاة وسجادتج وتقفلين عليها الصندوق او الكرتون وكل وقت صلاة لما تصلين بتشوفين الريحة الحلوة بالشيلة والسجادة وحتى بالج بيرتاح بالصلاة طبعا الريحة الحلوة لها مفعول بهذا
ولما يكون عندج ضيوف وتسوين هالطريقة بشيل الصلاة شوفي المدح وكل وحدة من الحريم بتسألج كيف معطر شيل الصلاة
اتمنى اكون طرحت شيء مفيد
وكل ما تشمون الريحة الحلوة ادعولي >>> بحسن الخاتمة
من مجهودي الخاص
ام يحيى
مشكووووره الغآآآآآآليه ع الطريقه …
اسأل رب العرش العظيم بأن يرزقنآآآ وايآآآآآج بحسن الخآآآآآآآآتمه
يزاج الله خير طريقه سهله وحلوه بنجربها انشالله
مشكووووره الغآآآآآآليه ع الطريقه … ويزآآآآآآآج الله خير
اسأل رب العرش العظيم بأن يرزقنآآآ وايآآآآآج بحسن الخآآآآآآآآتمه
مشكووورة على الطرح
مشكووووره الغاليه ع الطريقه
انا دايما البس وقايه الصلاه واتبخر وبعدين اعطر الوقايه بدهن العوود عسب تثبت الريحه البخووور ^_^
مشكورة الغاليه00ومنكم نستفيد ^_^
الله يرزقناا وايااج حسن الخااتمه ياارب وجميع المسلمين