طبعا هذا الموضوع الاول في هالرابط
http://www.uaewomen.net/showthread.php?t=148529
التكملة
اتصلت على الحرمه يوم الجمعه ورمستها وقلت لها الساعه 4 بيي الصالون
قالت لي لو يتي بخبر عليج الشرطه
المهم الساعه 4 ونص او 5 انا سرت لها انا وربيعتي
يوم سرت ماحصلت حد غير بنتها او مادخلت البنت اخترعت جنها شايفه يني شي
المهم كنت ارمسها بادب واحترام قلت لها وين امج قالتي طلعت شووووي برع
10 دقايق وبترد … المهم يالسه اسولف وياها عادي الى التلفون رنه منو اختها
قالت لها اتصلي على ماما وخليها تتصل على الصالون ضرووووري الام اتصلت
رمستها قالت لها يييييت البنت قالت لها هيه ييييييت قالت لها عطيني برمسها
المهم عطتني التلفون قالت لي انا في مركز المرقبات الشرطه تعالي هناك
خيبه ماعمري سرت مراكز شرطه المهم الشرطي رمسني وقالي تعالي
والعثره اهلي لو درووو وخاصه اخواني شو بسون فيني …. المهم اتصلت علي
امي وقلت لها قالت لي روحي بس لاتسوين مشكله ولا تفتحين بلاغ
المهم سرت وتغشيت وحالتي حاله …. يوم رحت تفاجأت انها تصيح ومب رايمه
تتنفس وريلها وياها والمغربيه اللي كانت تفركني بعد تصيح انا ستغربت شسالفه
المهم الشرطي قالي انتي راعية الرقم قلت هيه قالي شسالفه خبرته .. السالفه
كلها الريال استغرب قالها المفروووض اني انا اشتكي عليهم مب هيه اللي تيي
وتشتكي علي…. اونها شووو تبا تسبقني عالشرطه خخخخخخ احس انها مصخره
شكلها جدام الشرطي وهو يطالعها باحتقار …. المهم حولنا على النقيب بعد
نفس الشي تمت تصيح واونها بتموت وباجر عليها ولاده لانها حامل ومادري شو
هاي صاحبة الصالووون …
المهم الحرمه وريلها شوو قالو حق النقيب اوني لاني دفعت لهم الاشتراك كامل
وسويت عندهم مره حمام مغربي ابا الغي الاشتراك عشان اخذ فلوسي فقمت
اتهمتهم واتبليت عليهم وقلت اخذووو رصيدي من تلفوني عشان جيه
قلت للنقيب اتصل على الاتصالات وسالهم اخر مره محولين فيها رصيد متى
وبيطلع الوقت واانا هالوقت كنت داخل عندهم … المهم اونها تبا تفتح بلاغ
وتوصلها المحاكم لاني اتهمتهم..لنقيب قالي باجر اللي هو اليوم اروح الاتصالات
واطلب منهم كشف على الارقام والمسجات اللي طالعه …
وعقب اراجعهم وشل ارقام التلفونات
رحت اليوم الاتصالات وطلبت منهم ومارضووووووو لان البطاقه مدفوعه المهم
خبرتهم بالسالفه …. حولوني على المسؤله ةخبرتها قالت لي اكتبي طلب وبرد
عليج يوم الثلاثاء بعد الاجازة وكتبت الطلب ويوم الثلاثاء ان شاء بيردون علي
لانهم بطرشون الاوراق بوظبي ………. احس انها سالفه طويله
المهم اتصلت على النقيب لان قالي خبريني اتصلت عليه وخبرته قالي تعالي
لانهم موجودين هناك رحت … بعد احصلها تصيح ومادري شووووو
اوني انا ماسرت للاتصالات ولا شي يبت رمسه من عندي … قلت لهم اتصلو
واسألوووو المهم النقيب قالي روحي هذيل ماعندهم سالفه ولين الثلاثاء خير
وبس رحت وهي تدعي علي …… صاحبة الصالون مع اني ماسويت شي لها
هي اللي كبرت الموضوع وراحت واشتكت وبهدلت عمرها
اللي محيرني ومستغربه منه انا اتهمت الحرمه الثانيه مب هي ليش مدخله
عمرها في السالفه وليش تصيح ليش مسويه يوووله وحركات هي وريلها
النقيب قالي شاكه فحد ثاني قلت له بنتها ن هيه بعد …… اونه بنتي ماعندها فون
وانا شفت تلفونين بايدها …
الي خايفه منه انها تكون مطلعة التلفون بالدسه وعقب تنكر الارقام او انهم
يقطعون ارقامهم هذه وياخذون ارقام يديده
بس يقهرووووووووووووووووووووووووووووووووون صدق قهر
الله يعينج
انا كنت ويااج ف الموضوع الاول … وكان خاطري اقوولج سيري الشرطة وبلغي … فزين اللي سويتيه …
بس قهررررررر لو سوا مثل ما قلتي انهم يغيروون ارقام تلفوناتهم …. بس زين ان النقيب ويااج .. وعارف حركاتهم …
الصراحة الله يعييييييييييينج ….
قهررررررررررر هم سوا بالمثل القائل اتغدا فيها قبل ماتتعشا فينا
وبعد بالمثل القائل ضربنا وبكى وسبقنا واشتكى
وبعد المثل القائل خذوووهم بالصووووووووت
خخخخخخخخخخخخخخخخخخخخخخخخ
ولو اتذكرت مثل بدخل واكتبه
حسبي الله ونعم الوكيل
حسبي الله عليهم ،، الله ياخذ حقج منهم
السالفه ما ترزا والقهر انهم الحراميه وفوق هذا يتبلون عليج
الا تشيلين هم دام انه الحق معاج ،،،،
خبرينا بمجريات الأحداث ،،،،
حسبي الله ع الظالم