حبيباتي الغاليات
السلام عليكم ورحمة الله وبركاته
موضوعي اليوم مختلف نوعا ما .. ومميز بعد وأغلب البنيات ينطرونه من زمان..
بندخل في الموضوع على طول
نظراً لغلاء المعيشة والارتفاع المتزايد في الاسعار بشكل عام.. واستغلال بعض النفوس .. وتفصيل العباه السادة ما يقارب الى 1000 درهم, وهي لا تتعدى بالأصل 200 درهم .. والمطرزات تختلف من أخرى
حبيت نسوي حملة للعبي والشيل ونكتب أسماء المحلات اللى عنده موديلات راقية وحلوة وايد وأسعارها تكون مناسبة وبالتحديد أقل عن 1000 درهم .. مع ذكر اسم المحل والامارة وسعر الطقم التقريبي
بالتعاون معاكم وبمساعدتكم .. بيكون هالملف مرجع لكل وحدة..
يالله شدوا همتكم.. ولا تنسون حديث الرسول عليه الصلاة والسلام: (من سعى في حاجة أخيه سعى الله في حاجته)
ولا تنسون العباه المطرزة والملونة واللى فيها حركات ما يمنع إنه نسويها ونلبسها,, لكن بدون ما يشوفونكم الرجال .. او تلبسينها للزيارات والمناسبات وممكن تلبسين فوقها قطعه ساده يوم بتطلعين ويوم بتوصلين مكان الحدث تشيلين هالقطعه عسب يبين اللبس اللى انتِ لابستنه.. وبجذي ما تتآثمين
مشكووووووووره أختي عالموضوع
ولي عوووده
بصراحة …
انا يمكن مره في السنة افصل عبايتين فخمات حق المناسبات ..
في محلات بالعجمان للعبايات وايد رخيصة وبافكار حلوووووووووووووة ..
لكن الباقي ارخص تصلي العباية بحدود 300 اذا زاد لاني انا اجيب الموديلات واصممها من راسي …
وجزاكم الله خير على الفكرة ..
مرحبا الصراحة الفكرة حلوة ووايد انا افصل عبي عمليات للمشاوير اليومية رخيصة اقل عن 1000درهم ف عيمان سوق كامل للعبي وعنده عبي رخيصة واسعار متفاوته ودزاينات حلوة وشي ف الشارجة مركز حلوان ومركز عهود و مركز بو اهيل اليديد فاتحينه ف الشارجه وف دبي فريج المرر.
أنا دايماً افصل العبي في بوظبي طبعاً
في الخالدية عندج سويت ليدي، غناتي، و العنود
يعني اسعار الاطقم عندهم من 500 – 700 درهم تقريباً
طبعاً ممكن بعض البنات من الامارات الثانية يشوفن ان هالسعر غالي بس يعتبر معقول بالنسبة لمحلات بوظبي
و بعد مرات افصل عند خنجي في الخالدية، مش دايماً الاقي عنده اللي يعجبني لانه دايماً موديلاته فيها وايد شغل و عفسه و تكون غالية فوق الالف بس انا اخليه يعدل الموديل و يخفف من الشغل اللي فيه حسب ما يعجبني
و طبعاً تقدرين تاخذين افكار من المحلات الغالية و تخلين خياط ثاني يفصلج اياهن بسعر ارخص
[COLOR="red"]بصراحه الموضوع وايد حلو عن العبايات والشيل لان بصراحه الاطقم عندكم غاليه واذا يت ابي اخذ ما اقدر الا اخذ طقم واحد بس وانا بعد ابي اعرف وين احصل محلات اتبيع قطع حلوه وسعرها زين…… افيدونا جزاكم الله كل خير[/COLOR]
يزاكم الله خير خواتي وما قصرتوا
وناطرين البقية