مرحبا بنات شحالكم
حبيت افتح هالتجمع وندردش عن الدكاتره الاوكيه
وف اي شهر انتي ^^
عند منو تراجعين ومنوه بتولدج
ومن هالسوالف اكيد شي اساله بالهبل
بس داشه من الفون ماعرف اكتب الحروف صغار
بنات صح كيف اذا ابا اسوي تامين ؟؟
انا عن نفسي حابه اراجع عند شما وتولدني نفيسه
بس لحد الحينه مافتحت ملف عندهم بفتح قريب ان شاء الله
حبيت خياطة نفيسه مع انه الكل مطلع اشاعه عليها ماتشوف ومخرفه وماعرف شو وهي وحليلهت راعية صلاه ودين
انا حاليا بالسهر السادس ف بدايته طبعن ربي يتمم لي ع خير
كله احس بتعب وكسل وخشمي يطلع منه دم خفيف
بس لثتي اففف كل يوم وكل ما انش الصبح مرات احس طعم دم ف حلجي .. وععهع
وينكم
انا بفتح عند شما يوم بدش الرابع .. والحين انا اراجع عند جيتا في عيادة سني .. و ان شالله خير ..
شما وايد زينه وتهتم بالحريم بس اهم شي ما تكونين زياغة و الا بتعصب عليج عدل ههههههه ..
شما ممتازه صراحه بس مشكلتها زحمممممة الزلم عندها اوف وايد .. وما طول ع السريع بس
لو تشك ع طول تطرشج سونار الدقيق الي بالطابق العلوي
ما تستعيل ع الحرمة الي تربي ..
لازم تسمعين كلامها عدل
ما تحب الاسئله الى فيها وسوسه بزياده وتعطيج فالجبهة هههههههه
صح صدقج انا راجعت عندها بس حزة الولاده خونت هههههه سافرت عني جان اتيني نفيسههه يالللله مخيرهاا
انا اراجع عند اميره
من جفت صورهم بموقعهم
ارتحت لها
كنت ابا نفيسه بس صارت وايد عيوز
و قلت مدام مرتاحه لاميره بتوكل على الله
والي تسال عن التأمين
انا سالت وماحصلت فايده
ف قررنا ندفع لهم كاش
لان نظام التامين تغير يعني لازم موافقه قبل الولاده اظن
و المرافق بيكون عليج و ابره الظهر عليج و كذا شي بعد
ف حسيت مالها داعي البطاقه
وو بنات انتو ماخذين باكج عندهم ولا ؟؟
انا كنت باخذ بكج بس لاني راجعت من كنت فالخامس
لاني ماكنت اعرف وين بربي ويوم استقريت عالزهرا تميت اراجع عندهم
ف ادفع لهم كل مراجعه
و الولاده بعد بندفع لها حزتها
والله يسهل علينا
كلامكم عن شما مايشجع
بذات البجريات هههههه
نفيسه كانت عسل مع مرت اخوي
و حالياً اميره احسها طيبه و مب مستعيله تاخذين راحتج معاها بالاسئله بس انا من اجوفهها اتلعثم لاني اتوتر ان هاي الي بتولدني ههههه