السلام عليكم ورحمه الله وبركاته
هلا وغلا بالغلا
ياهلا باللي لفانا ياهلابه عدد دقات قلبـي في غيابه
شحالكم خواتي عساكم يارب دايم الدوم بخيـر
الصيف ع الابواب وتفصلنا عنه
سبع ايـام بس ^_^ حماااااااااااااااااس و ونآآآآآسـ‘ه
ياسلااااااااااااااااام
سـفر و ظهرآآت وبحر و برونزاج و خلطآآت و جمعه بنآآت و افلآآم و سهرآآت و قيآآم ليل و صيآآم و شوووبنج واشياء يديداا وناس يديداا
وكل شي حلو فهالدنيآآ
فـي احلا عن جذي ؟؟
شو اخباركم مع التخطيط لهالصيف شلون حابين يكون ^_^
نبي افكار لشغل التطـوع .. بوظبي دبي الشارجه وكل الامارات عسب كل الخوات يستفيدون ..
يلا يابنات نبي حمـآآآآآآس يآآرب يكون صيفكم كله حمآآس في حمآآس و ونآآسه بـ ونآآسه
احم شرايكم ابدى انا
انا باذن الله ناويه هالصيف اشتغل شغل جاااامد ع شخصيتي واطورها و اشل عيوبها واتسامح واتصالح مع نفسي لاني الفتراا الاخيره قصرت بنفسي حييييل .. و صارتلي بلاوي الحمدالله لاكن كنت اخش بقلبـي واسكت لين ماتراكمت في قلبـي وابي اسوي لكل ابووها Delete
هم بعد ابي احسن علاقتي مع ربي و احافظ ع قيـاام الليل و اصوم الاثنين والخميس و التزم بالبقرة والاستغفـار ان شاء الله والتزم بالنوافل ..دعواتكم لي بان الله يعيني..ويبعد عني الشيطان الوسوااس اللي يتم يزن فوق رآسي ويكسلني عووذ بالله منـه
ابي اسوي نيولوك لشكلي و لملابسي والله من زماااااااااان عن الاسوآآق الله يخس بليس المدرسه والدراسه والثنويـه واسوي خلطات وحركات البناات هاذي اللي اتعرفونها
وابي اقرا كتب ازيد ثقافتي .. و ابي اجرب كتب ماعمري فكرت اقراها انا دومي صوب الكتب النفسيه وصقل الشخصيه هالمره حابه اغير هالنوع من الكتب ^__^
وابي اتعلم اللغه الفرنسيـه بس بشكل بسيط مثل الارقام والترحيب والكلمات البسيطه هاذي .. لاني احسها لغه طررر و خووش شي
وابي اتعرف ع رفيجات يدااد .. الحياه من دون رفيجات ماتسوا .. عندي رفجه ما تتعوض بالذهب و ودي ب رفيجات يداد يكونون لي خوات وان شاء الله اتعرف ع الرفيجات المحترمات الملتزمات العسولات
وان شاء الله احصل شغل تطوعـي في بوظبي اشغل فيه اوقات الفراغ الثانيه .. منها يصقل شخصيتي ومنها مايكون عندي وقت فرااغ لاني اكيد برقد
ادري قلتوا بل متى بيمديها كل ابو الاجازه شهرين و شوي
لاكن ما عليكم انا جهزت اوضاعي ومرتبه جدولي وان شاء الله ابشركم بالنتايج واحط تجربتي اللي بتغير حياتي جذرياا اهنيه في المنتدى عسب افيدكم ^__^
وصج عااد ابي دعواتكم لا تنسوني دوم ادعولي وياكم منها تاخذون اجري ومنها الملك يقول لكم و لكي مثله ^__^
انتظرررركم وانتظر مشاركااتكم اللي راح اتزيد حمـآآسي
موضوع حلو
نتريا الباقي
حمستيني للصيف وان شاءالله تسوين اللي مخططه له وتغيرين من حياتج ^^
ان شاءالله الكل يستفيد ويطور من نفسه 🙂
موضوع حلووو ونتريااا افكااار ومقترحات الخوات ^^
مااشاااء الله عليج حبوووبه فكره حلووووووه مررررررررررره
اتمنى من الله العزيز الحكيم ان يحقق كل مبتغاج وتيبين علامه حلوه بالدراااسه ونسبه ترفع الراس
حلو جدوولج الي خليتيه حق عمرج وناااسه ربي يحفظج
انا الحمدلله نص الاشياء الي خليتها بالجودل ملتزومه فيها ولله الحمد بسبحاااول ازيد ان شاااء الله
ماعليه اذا في شي اضافه بيي وبحطه ويارب نستفيد كلنا….
احين بنشوف باقي الصبااايا ونشجع بعض
اختج فتاه صابره
حفظ القران
واغير من شخصيتي
راح ابحث عن اعمال تطوعيه خيريه
الله يوفقكم جميعا
ربي يوفقج اختي
وشخصيا بدش دورة كمبيوتر و فوتوشوب و فرنسي انجليزي
وان شاء الله بشارك في متعة العقل
وكتاب الله بإذن الله