انا الله يسلمكم اول عيالي ولد ومالي تجربه مع العيال والغازات حتى امي وعمتي مافدني بشي اونهن عيايز ونسن سوالف العيال.عانيت وايد مع ولد من طلع من المستشفى كله عنده غازات وكله اراكض المستشفيات والعيادات الخاصة ويعطوني انفكول او دواء مقارب وماشي فايدة.واصوات فضيعة في بطنه لدرجة انه الناس الي حواليي في المستشفي او في مكان مزدحم يستغربون اصوات فضيعة ومناقع في البطن.نصحوني بماي غريب بس في هاذيج الفترة سمعت انه يسبب امراض في المخ وما استعملته.سرت عن في عيادة خاصة اسمه خالد الجمل وسوالي تحقيق في سالفة الوالد شو تعطينه غير الحليب وشو تستخدمين من الادوية حقي يعني قلت فيتامينات قال يمكن هو السبب ونصحنيي لا اكل بهارات ولا اشياء فيها سكر او تسبب لي الامساك او الغازات لانه نفس الشي ياثر ع الياهل وسمعت كلامه ونصحني اسوي مساج حق الياهل بزيت الزيتون وعطاني انفكول ودوا ثاني لضرورة والله شاهد بعد يومين راحن الغازات وطبقت الي قالي عليه حتى الفيتاميناتسبب الامساك ودرتهن واشرب عصاير وايد زاد الحليب وخازن الغازات عن ولدي وطبقت حق بني الثانية يوم ربيت. يعني وايد استفدت لا بهارات فلفل ولو شوي ولا سكر ولا موز ومانجا ولا فيتامينات والحمدالله ما مر عليها شي اسمه غازات. هذا عن تجربتي ما ادري اذا حد جرب شي ثاني افيدونا ومشكورات وسوري لاني طولت عليكن
مشكورة ويزاج الله خير على كتابتج لتجربتج المفيدة ..
وااايد استفدت
والله يسهل علينا جميعا
أنا أمي دائما تقولي سوي مساج حق البيبي على بطنه مع زيت الزيتون… تقول وااايد يريح
مشكورة ويزاج الله خير على كتابتج لتجربتج المفيدة ..
مدري والله هذا اول حمل لي
بس اختي العوده الله يذكرهآ بالخير قالتلي في بجرهآ عمتهآ كانت تمسح البيبي بزيت الزيتون وتظهر كل الغازات اللي فبطه ..
وانا ان شاء الله ناويه اطبق هالشي فولدي ان شاء الله
بس كيف تكون حركت ايدج يوم تسوين له المسآج عبطنه .؟!
تمسحين عالبطن عالخفيف و جسمه كله وخليه راقد عبطنه اشوي بعد اذا في غازات يظهرن طبعن بزيت زيتون
وألاكل بعد يأثر عليه لانه يشرب حليبج..وانا ف بنتي عطيتها ماي غريب بصراحه شوي يعني مب وايد ووااايد ريحها