تأخر الحمل لسنين

الاولى .. تأخر حملها لمده تزيد عن (10 سنين) .. مع العلم ان ريلها معرس يعني هي " ألثانيه " وعنده عيال
للحين ماحملت .. هي تقول حصل حمل لكن يطيح كل مره ، بس ماندري مده صحه هالكلام لان وايد كانت تبا عيال لدرجه الجنون ..
عمرها 40 سنه
مع العلم انها راحت حق حريم وجربت الانابيب ، لكن الله مااراد لها .. ف اللي عندها تجربه تخصها او تخص حد من اهلها
تخبرني وين ممكن نروح او شو تسوي .. مابا تحزير بليز ابا ناس مجربه بس

الثانيه .. تأخر حملها لمده تزيد عن (سنه) مادري بصراحه جم لها معرسه
وبعد هي الثانيه وريلها عنده عيال .. عمرها 43
ماحصل اي حمل سابقآ ، راحت حق حريم وحاولت لوصفات لكن الله مااراد
كانت بتسوي انابيب لكن الدكتوره رفضت بسبب عمرها ..

اثنينهن خالاتي مثل ماقلت سابقآ .. مع العلم ان هن عايشين ب دوله اخرى
ف ان شاءالله بعد ماتاكد من التجارب واسأل واشوف المستشفيات .. بيوون بروحهن عشان المحاولات
ف ياريت اللي بتكتب لي تجربتها تحددلي اذا يلزم وجود ريلها معاها او عادي ..
وممشكورين مقدمآ

الأولى لبنت خالتي..
تزوجت وهي في اواخر العشرينات والله ما كتب لها الحمل لمده زادت عن الــ 12 سنه.. (المشكله كانت في ريلها)
خلال هالفتره كانت تراجع في وايد مستشفيات من دبي للشارجه.. بس الله ما كتب لها الحمل..
نصحوها بدكتور فقيه ايامها كان في كوزموسيرج – بوظبي وراحت له (مع العلم ان عنده عياده في دبي بس ما التقت بالدكتور نفسه)
وبعد كم محاوله بأطفال الأنابيب الله رزقها بأول عيالها وهي عمرها تقريبا 40 (اكثر او اقل .. الله اعلم)
وبعد ما فتح دكتور فقيه مركزه الخاص راحت له مره ثانيه والله رزقها بتوم 3 ولد وبنتين (لله الفضل والمنه)

من بعد تجربة بنت خالتي نصحت ربيعتي تروح لمركز فقيه..
كانت مكمله 7 سنين والله ما كتب لها الحمل مع انها راجعت احسن واشهر المستشفيات في الإمارات كلها.. (المشكله كانت فيها هي)
ومتزوجه صغيره 18 سنه..
سبحان الله من اول محاوله رب العالمين رزقها بولد..
والمحاوله الثانيه توم بنات.. (الحمد لله رب العالمين)..