شحالكم جميعا…
بيتزا خضار,,,سهلة ولذيذة
وتقدرين تحطين اي نوع خضرة حسب الذوق..
العجينة:
عجينة عشر دقايق وصارت مشهورة وغنية عن التعريف((سويت نص المقدار فقط))
مقادير الصلصة:
واحد بصل كبير مفروم
ربع ملعقة كركم
كوب طماط فريش مفروم
ملعقة معجون طماط
نص ملعقة دبس الفليفلة (( معجون الشطة الحار…..خذته من القرية العالمية,,وتنباع بكارفور والجمعيات))………….اللي ماعندها ممكن تضيف بهار مشكل حار
نص ملعقة اوريجانو
ربع كوب ماء
مكعب ماجي
(( تحمر البصل مع جميع المقادير وتترك على نار هادية حتى تغلظ))
التزيين:
شرايح فطر & زيتون & بصل
مكعبات صغيرة فلفل بارد…..وشرايح رفيعة من طماط مجفف (( سن درايد توميتو))
جبن موزاريلا مبشور………اوريجانو
الطريقة:
1….نفرد العجين بسماكة نص سم ونحط عليه الصلصة
2….نحط الخضار: بصل وفلفل وزيتون وفطر
3….نرش عليه الجبن المبشور & اوريجانو وشرايح طماط مجفف
4…بالفرن الحاااااار من تحت,,,,,,,,عقب من فوق وعوافي
بالعافيه عليييج نفسي يوم اسويها نفس رولات زعتر بعد بس احط كيري مقطع اصابع داخله يطلع لذيذ
بس ليش ماتحطين بدل فويل اوراق شمع من فالكون وايد اوفر واحسن
اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
ماشاء الله عليج تسلم ايدج روعه 
بالعافية ان شاء الله
تسلمين اختى
يالله شكلها وايد يشهي
بالعافية عليكم وتسلم ايداج