بنتي والحول الكاذب

مرحبا بنات فديتكم منو مرت عليها نفس مشكلتي ؟؟؟؟؟؟؟؟؟

انا بنتي عمرها سنتين و3شهور من يبتها …….. كنت احس انها احيانا تحول عيونها وطبعا اتوقعت عادي لان الصغار يحولون شوي

بس من كملت 6 اشهور الكل ينبهني انا عيونها فيها حول يعني يستوي فعين وحده البؤبؤ يدخل شوي في زاوية الخشم بس عين وحده …

كملت سنه وديتها مستشفى النور وقال ان عين وحده النظر فيها ضعيف شوي وقال مانقدر نسويلها شي لانها صغيره
لما كملت سنتين وديتها مستشفى النور مره ثانيه وشيك الكتور على عينها وصدمني قالي نظرها ضعيف فالثنتين …….وبعد ما حط القطره في عينها ومره ثانيه شيك قال كل شي طبيعي

الحمدلله انا حاسه ان نظرها طبيعي ………..

وكل الدكاتره اللي روحت لهم قالوا لي حول كاذب اونه عسب خشمها اهو السبب كيف؟؟؟ مع ان خشمها عادي
مب عارفه شو اسوي

وهل للوراثه دخل لان ولد اخوي من يوم كان صغير اتخيلوا عمره سنتين ونص ويدعم البيبان ويقول ما اشوف ونحن نتحراه يجذب لان نحن عندنا بس ضعف نظر مب حول وطلع نظره ضعيف وايد والحين يلبس نظاره واذا ودرها ……. او كان خايف من شي … يحول يعني عين وحده تروح لفوق قصدي البؤبؤ

شورو عليه ما اعرف شو اسوي ؟؟؟؟؟؟

سيري مركز المغربي للعيون لان اختي نفس الشي عمرها 9 سنين وديناها مستشفى النور ونفس الشي قال الدكتوور
انها صغيرة وما نروم نسوي شي ونظرها واايد ضعييف وعطانا موعد ويوم يا يوم الموعد قال نظرها سليم

ما ارتحنا له

وفي ناس نصحونا بالمغربي وخذنا موعد عندهم بس بعده الموعد

وبنت عمي الصغيرة بعد كانت تحوول عمرها 5 سنين وكان عندها ضعف ف النظر الدكتور قال لها لازم تلبس نظاارة وعقب كمن سنه بيعتدل كل شي

لبست نظاارة والحمدلله الحين ما تحوول لكن عندها ضعف خفيف في النظر والدكتور قال مع الايام ما بتحتاي النظارة