خواتي انا ربيت من عشرين يوم بتوم بنات
طبعا اضطريت الجأ واعوض بالحليب الصناعي لانه ما يكفيهم حليب صدري
وحدة من بناتي بطيئه جدا ف شرب المرضعه يعني عادي تيلسين عليها ساعه وتشوفينها تشرب وتكتشفين عقب انها ما شربت غير 10 مل بس
ومسكلتها تنام وهي تشرب لازم لازم تنام مهما حاولت اصحصحها قلت العيب فالحلمه مال المرضعه
بس اختها الحمد لله تشرب اسرع
ماعرف شو مشكلتها
للعلم انها من انولدت حطوها بالحضانه خمسه ايام وكانو يشربونها الحليب بالواير
اتمنا انكم تفيدوني *
اممم حاولي تقومينها اغلب اليهال يقومون يوم تلعبين صوب اذونهم وعلى خدودهم .. اصبري عليها بتكبر وبتقدر تشرب اسرع .. لاتحاتين اغلب التووم جية مختلفين بعاداتهم ..بس اذا كملت شهر ومازاد وزنها ابد بهالحالة تعتبر مشكلة وروحي للدكتوورة وبتقولج شو تسوين ..
الله يحفظهم لج انشالله .. ماشالله تبارك الرحمن ..
واظني انتي من راك بعد شهر وديهن بعيادة روياال اللي بالكورنيش عند رينوكــا ممتازة هذي الدكتورة عن تجربــة ..
الله يحفظهم لج ان شاء الله
ما عندي علم الصراحه
يمكن طبيعتها جدي…ما دامت ما تصيح وايد من الجوع ..هذا يعني ان طبيعية ولا تخافين عليها ……
ربي يخليهن لج……
الله يحفظهن لج
المشاركة الأصلية كتبت بواسطة LoOveNisTa 
الله يحفظهم لج انشالله .. ماشالله تبارك الرحمن ..
واظني انتي من راك بعد شهر وديهن بعيادة روياال اللي بالكورنيش عند رينوكــا ممتازة هذي الدكتورة عن تجربــة ..
هيه فديتج انا من راك
مشكورة عالنصيحه
يزاكم الله خير خواتي عالرد
عادي الغلا لازم كل بيبي يتغير عن الثاني لاتحاتين اهم شي انها ترضع ؟؟ومثل ماقالولج اذا ماحسيتي في تغير وديها للدكتور وخليه يشوفها ويطمنج
الله يخليلج اياااااااااهم يااااااااااارب