مبروك لكل العرايس اللي عرسن واللي بيعرسن جريب والمالجات والمخطوبات .gif "12 (7)")
والله يديم هالأفراح علينا ..وعقبال العزابية 
موضوعي هذا لبنات رأس الخيمة واللي برع رأس الخيمة ممكن يستفيد منه بعد
كل بنت وقت ما يتحدد تاريخ عرسها وملجتها تتلخبط ويدور راسها أولا انها داخله حياه يديده وثانيا من الضغط اللي بيكون عليها .gif "12 (80)")
اوووووووه وين بحصل فستان من عند منو بأجر ماشي وقت ؟؟ .gif "12 (9)")
وين بتعدل وعند منو بسوي التسريحه ؟ .gif "12 (8)")
مااعرف وين أتحنى ؟ .gif "12 (78)")
اغلب هالاسئله اتكون شاغله فكر كل عروووووس
فإقتراحي يابنات انه نتعاون في هالموضوع ونفيد بعض .gif "12 (42)")
1_وين ممكن العروس تحصل فستان سواء للعرس أو للملجه ( أذكرو أسم المحلات أو اسماء الحريم اللي يأجرن ) ؟
2_ عند منوو تسوي المسكه وين ممكن تآخذ الاكسسوارات ؟
3_عند منو ممكن العروس تحجز طبعا ميكب وتسريحه ( ذكر اسم الصالون ، أو الماكيره) ؟
4_والحناء عند منوو تتحنى ( ذكر اسم الصالون ، والحنايه )؟
وهالاسئله بتفيد الكل وخصوصا اللي مايقدرون يظهرون برع راس الخيمه
اتمنى التفاعل في الموضوع .. واللي تحدر الموضوع وماعندها مشاركه ترفع الموضوع للاستفاده
للررررررررررفع
زهرة ملونه … مشكوره ع الرفع
أم غايه … كفيتي ووفيتي يزاج الله خير .. ياليت اطرشين لي ارقام اللي يأجرن ع الخاص
ااااااااااااااااب ^-^
بغيت رقم أم أحمد وأم عبير
وشكرا على الموضوع
هلا اختي مشكوره عل طرح الموضوع…
انا معرسه بس حبيت عيري يستفيد….
_وين ممكن العروس تحصل فستان سواء للعرس أو للملجه ( أذكرو أسم المحلات أو اسماء الحريم اللي يأجرن ) ؟
من ناحية العروس ما انصحج تاخذين فستان من المحلات.. عندج الحريم الي ياجرون مثل ام عبير ام احمد ام عادل ام محمد (ما تعاملت معاهم ولا اعرف ارقامهم بس سمعت عنهم) اما اذا في ملجة نص المحلات عندهم فساتين ملجه وفساتين للسهره..وحلوه واسعارهم مناسبه…
2_ عند منوو تسوي المسكه وين ممكن تآخذ الاكسسوارات ؟
عني انا سويتها في محل هاي فلور واااايد حلوه وعنده افكار بعد…اما عن محل لمسات اسعاره غالية وافكاره نفس افكار هاي فلور…وتقدرين اتزينين الكوشة وممر القاعه عند محلات الزهور وخاصة محل (ازهار هولندا) اسعاره جدا مناسبة ولا غاليه…
3_عند منو ممكن العروس تحجز طبعا ميكب وتسريحه ( ذكر اسم الصالون ، أو الماكيره) ؟
العرووووس صعبا تلاقي براس الخيمه لذا نصيحه مني تحجزين مكيرا اتيج لين راس الخيمه وووايد منهم…اما اذا ملجة عندج صالون انفنتي وصالون سينما انستيتو وصالون دار التجميل والبنات اللي في بيوتهم مثل عزه مطر وعواطف…
4_والحناء عند منوو تتحنى ( ذكر اسم الصالون ، والحنايه )؟
الحناء عندج الصوالين كلها مثل صالون غدير بس لاتختارين (صغرى )لان حناها اتحسينه جديم اختاري البنات اللي عندها بتلاقينهم سمر واطوال وضعاف ما اعرف اساميهم بس والله حناهم روووووعه انا سوم ملجتي ما خليت صغرى خليت البنتين واااايد نقشهم حلوه ومرتب..
وصالون جورجي عندهم حنايه روووعه حناهم بس خقاقه اتحني يد وحده واريول وحده بس اسمها (ممتاز) بس الحنه مول مب شي اتي يبي لج حناء وصالون المغربي حناهم مرتب بس متكرر
وعندج صالون سلطانه (طاهره) حلو حناها بس لازم اتقولين لها ابي متروس بس اسلوبها مب شي..
ام صالون رشنا ما في ابداع ابد اللي بالرسمه تحنيج يوم اتقولين انتي حنيني بافكارج اتقول ما اعرف لازم تختارين اللي بالصوره ان ما يعيبني جي ….وصالون روما حناعم حلوه وهي وحده اللي تحني بس تتعب بسرعه بس والله عن تجربة حنتني حلوه ويوم تعبت اتحني خرابيط ومو مرتب يعني يوم اتروحين لها اتصلي قبلها بيوم عشان اتفضي عمرها لج….وفي بنات ايون لج لين البيت..
وان شاء الله ما رمست واااايد..
up upu up up up up ^^