عزيزاتي بنات العين
الإربعاء الياية تراني قررت أزوركم تغيير جو مع اليهال وأبوهم
ولو تكرمتوا أبغي أعرف أحسن المحلات اللي عندكم
وانا سمعت إن عندكم محلات يبيعون ساعات وجنط تقليد رقم 1
فممكن تدلوني عليها
وبعد الغاليات أبغي أعرف محلات تبيع قمصان نوم حلوة وأسعارها زينه
ومحلات تبيع النعل والجنط والجواتي
والجلابيات ومغربيات أسعارها عدله
والعبايا والشيل
وكل شي حلو في العين
تعويض عن السفر برع وخصوصا وانا في شهري الثامن
وادريبكم كرم زايد يسري في عروقكم الله يرحمه ويغفر له
مرحبا ختيه .. حبيت اساعدج وو بشي بسيط صح انيه مب من العين
لكن دايما اسيرلها وايد احبها منطقه هاديه مب شراتنا في دبي حشره وزحمة ارف
المهم انا يوم اسير لازم هذا اسير الجيمي مول و العين مول عندهم كولكشن غاوي
وان شاء الله بتحصلين اللي تبينه وبعد عندهم شارع خليفه فيه محلات وايده ومطاعم
العين ماضيع كل شي حذال بعض ويالله ان شاء الله تستانسون .. واسموحه على المداخله البسيطه
مرحبا الغاليه..
حبوبه عندج في العين..
1- العين مول..
2- الجميـــــي مول..
3- الســـــوق المركزي..(( سوق كبير.. وأسعااااره رخيصه..))
4- شــــــارع الشيخ خليفه.. (( شرات ماقالت أختي دانة جميرا)).. محلااات.. ومطااعم..
وعندج مبـــــزره.. (( للوناااسه.. واليلسه الحلوه.. وفيها بعد شاليهااات))
وجبل النقفه.. (( مطاااعم وأمااكن ألعاااب))
جبل حفيــــــــت.. (( فوق شــــــيء فندق)).
أممم.. شو بعد..
الحدااايق..
شرااات .. (( مريجب.. والبصره.. الهيلي.. أثااار هيلي.. ))..
وأذا أذكرت شـــــــــيء , برد أخبرج عنه..
دمــــــــــتي بود
مشكورات خواتي دانة جميرا وميرة دبي على تواصلكم
وكنت أتمنى حد يعبرني من هل العين بس الظاهر بغير رايي عنهم
عزيزتي ميرة دبي ممكن أعرف السوق المركزي وين يكون بالضبط في أي شارع
وسلامتكم
انا من العين
اذا تبين شيل وعبي حلوات وراقيات حنين ولوزان
اذا تبين قمايص نوم محل في مركز الامارات في شار ع خليفه الطابق الاول
واذا تبين نعول حلوه ناين وست
نعول مريحه شومارت
تبين اتغيرين جو مبزره
تبين تشترين تيلفونات شارع خليفه
تبين شنط راقيه وتقليد رقم واحد روحي العين مول عدال وحل حلاوه للجلابيات
واسمحيلي على القصور
المشاركة الأصلية كتبت بواسطة مريم الزعابي وكنت أتمنى حد يعبرني من هل العين بس الظاهر بغير رايي عنهم
عزيزتي ميرة دبي ممكن أعرف السوق المركزي وين يكون بالضبط في أي شارع
وسلامتكم
مرحبا الغاليه..
والله الغاليه ماعرف بالظبط وين يدور..:1 (22):
بس هو سوق العين الرئييسي. وفي النص نافوره عووووووده.. وفي الواجهه محلات الذهب…
أذا تبغين بالتفصيل.. بسـأل لج بنت عمي.. وبرد عليج الخبر..
:22 (29): :22 (29): :22 (29): :22 (29):
افاااااا يا مريم الزعابي مرحبابج والله ملايين ولا يسدن
قربي واكيد بنعبرج وباقي العضوات بيعبرني ما بيقصرن
بس شكلهن ما درن بييتج
مثل ما قالت لج نجمه براقه لوزان عجيب حق العبي انا ما افصل الا عنده
واسعاره على حسب العباه تبدى من 450 وفوق وعاد انتي وشطارتج ف السعر
وصح ف محل ف العين مول ف الطابق الثاني حق الشنط التقليد وعدال قطنيات حلاوه
ما ادري شو اسمه ياربي يمكن ماجيك سكاي المهم شي فيه سكاي
انا خذيت مناك شنطة ديور روعه وسعرها 120
واذا تبين جلابيات مغربيه ف نفس المكان محل اسمه شيتل فنان بعد
واسعاره معقوله بس لازم تجادلين خخخ والله يوم اسير هناك ويا الاهل
ما يسون له سالفه يقولهم سعر يعطونه النص جي يباله
واذا تبين نعلان واطيه حق الحمل سيري الجيمي مول
اللي نسميه كارفور محل اسمه كيث اند تشارلز ف الطابق الثاني
فيه نعلان رهييييييييبه بس عاد انتي وحظج احيد فيه تنزيلات وبضاعتهم مخلصه
واي استفسار ثاني مرحبابج والله بالحل
واذا تبيني اخاويج ما عندي مانع خخخخ>>> لا امزح