السلام عليكم اشحالكم انشالله بخير بنات انا بغيت اخذ أراء الاغلبية عن سالفة الناس يوم اييون يخطبونج اول شي بغيت اسأل عن اللبس انا اوردي فصلتلي مخور يديد باجر بييبه من الخياط بس بعد ابا أسأل زيادة شوالاحلى مخور والا جلابيات هالحريم اللي فيهم كريستالات وهالسوالف بس تكون بسيطة مب دفشة يعني فشو الانسب والابسط وعن سالفة الشعر كيف افتحه انا شعري قصته بروحها فيها بف مايحتاي اسوي بس استشور وخلاص ينفخ بروحه فكيف افتحه والا شورايكم وعن المكياج طبعا بسيط يكون وربيعتي تقول حطي شيلة حلوة خفيفة ع راسج بس انا احس مب شي شو فالبيت البس شيلة وكله حريم والله مااعرف ابا رايكم واللي جربوا خلصوا شو سووا؟ وعن النظرة الشرعية يوم الريال يدش يشوفني شوتشوفون البس عباة والا كيف ؟ فهاللحظات اكثر لحظات البنت تبا نصايح وافكار وتجارب لو اني مجهزة عمري بس احب اسمع نصايح وافكار . بنات ادعولي ربي يتمم كل شي ع خيير بليز لاتنسوني بدعواتكم بس لو بكلمة ربي يوفقج من كل لسان والسموحة وايد طولت
اول شي الف مبرووووووووووووووووووووك وربي يتمم لج على خير
حبوبه البسي مخور وافتحي شعرج عادي بس بالنظره الشرعيه لا غلاي الأحسن عباه وشيله
انا بقولج عن نفسي
اول ما يو الحريم لبست مخوره حرير ما فصلت ولاشي وكنت فاتحه شعري
ويوم النظره الشرعيه لبست فراشه فيها شغل ولبست شيله سوده وطلعت قصه صغيره ويوم دخل الريال لبست عباتي وشيلتي …
والله يتتم لج ع خير ويوفقج يارب
وبس
مشكورين فديتكم انا فصلت مخور لان من زمان مامفصلة فقلت بفصل يعني عن المخور اوكيه وعن الشعر قلت بفتحه بس بعضهم اونة حطي بعد شيلة خفيفة عراسج فأحس جي مايخصه وربيعتي اللي قالت وخواتي يوم خطبوهم يوم الريال دش لبسوا عباه وشيله صح حسيت ارقى بس تعرفون متوترة اهما اسبوع الياي بيون وانا الحمدلله والشكر بطني من احينة يعورني من الخوف
موفقه حبوبه والله يتمملج ع خير
عند الحريم : البسي المخور (يا زين المخاوير عالبنوتات) وحطي مكياج ناااااعم جداً وخطين تحت جداً …….. سوي بف من قصتج اللي جداام وارفعي شعرج من ورا بقباضة .. والبسي شيله ( لأن الشيلة بتحليج والله ما بتشينج وبتبينين أثجل وأرزن ) نصيحة أخت : لا تبينين للحريم انج خفيفة وجنج ما صدقتي ان حد اتقدم لج <<< دخيلج لا اتزعلين من هالكلمة لأني قلتها بالحرف حق بنت اختي يووم يو يخطبونها وأنا طبقتها فخطوبتي ولين الحين أهل ريلي يمدحون ثجلي وحيائي يوم الخطوووووبه
أما النظرة الشرعية : لبسي عباه وشيلـــــــه ما فيها كلااااام … وأحسن شي اتكووون ساااادة أو الشغل اللي عليها أسود … ولا اتفكرين اتطلعين شعرج لأنه هب محرمج … صدقيني بجذا بتكبرين فعينهـالله يوفقج ان شالله
المشاركة الأصلية كتبت بواسطة (حور الدنيا) 
أما النظرة الشرعية : لبسي عباه وشيلـــــــه ما فيها كلااااام … وأحسن شي اتكووون ساااادة أو الشغل اللي عليها أسود … ولا اتفكرين اتطلعين شعرج لأنه هب محرمج … صدقيني بجذا بتكبرين فعينهـالله يوفقج ان شالله
فديتج اختي والله كلامج احس جي ريحني ماعرف ليش, ولا مستحيل ازعل انا احب النصايح بالعكس مافيها شي وصدقج الخفة اصلا تطيحج احيانا من عين اهلج كيف هاذيلة غرب بعد, ويعني تشوفين بالشيلة احلى والله بفكر فيها ومشكورة حبيبتي ماقصرتي