السلام عليكم بنات ….
بدش بالموضوع على طووول ..كالعادة مشكلة الخدم مبتلشين فيها
شر لابد منه .. انا حامل وتعبااانة وقلت لازم بيجيب خدامة تعيني فالبيت .. المهم راح ريلي يدور على مكتب ومن سوء حظه سار هالمكتب لانه قريب من دوامه في شارع المرور اسم المكتب(( ا××× )) المهم .. ريلي راح واختار مجموعة اثيوبيات وطرشلي الصور وخبراتهن وانا اخترت ع اساس الخبرة تكون كبيرة لان مافيني اعلمهن من البداية .. فاخترت وحدة كانب بالموقع تبعهم حق المكتب انها مشتغلة 6 سنوات فالسعودية ومسلمة .. المهم انا اخترتها وريلي خذا من عندهم الاوراق وسأله اذا نقدر نتواصل معاها قبل او ع الاقل انتو اتواصلو وياها قبل لا نسير نطلع التأشيرة وراعي المكتب يقول مافي داعي احنا متأكدين وراح توصلكم بضرف 5 ايام ومدري شو … المهم طلبنا رقمها قال مايصير احنا مانعطي ارقام .. المهم سرنا نطلع التأشيرة ودفعنا كل شي .. وفي النهاية الموظف تبع الجوازات قال لريلي انت دفعت رسوم على خدامة اساسا محرومة من دخول الدولة وهي بعدها تحت كفالة مواطن اماراتي ومشتغلة قبل عند واحد فالامارات وشردت والحين هي شاردة فالدولة .. وكل هذا وراعي المكتب ماعنده اي خبر .. وراعي الجوازات خبرنا ان المبلغ اللي دفعناه لازم المكتب يتحمله ويوم ردينا نكلم المكتب ..قالنا اوكي بس راعي الحسابات مو موجود تعال اليوم الثاني .. ورد يتصل على ريلي بدقايق بعد ماطلع ريلي من المكتب وقاله ماراح نعوظكم المبلغ الا اذا خذيتم من عندنا وحدة ثانية .. وطبعا احنا مانبي ماخذ من عنده لانه من دون مصداقية والموضف ××× نصاب ورفض يعوضنا لا وبأسلوب وقح بعد ..×××
حسبي الله ونعم الوكيل مكتب المدينه نفس الشي بعد فابوظبي
حسبي الله ونعم الوكيل في هالنوع من المكاتب .. ما همهم غير البيزات وبس
الاثيوبيات بكل مكان شاردات مع انهم في الامانه والراحه ممكن الواحد يرتاحلهم احسن من الفطس
بس شنسوي الله يعين الخدم تغيروا لافطس ولا بطس الحمدلله
المشاركة الأصلية كتبت بواسطة امراه 
والمشكلة ماتقدرين تردين حقج منهم تقولين لهم بخبر الشرطة او بشتكي عليكم يردون عليج ببرود ويقولون سوي اللي تبي احنا مو غلطانين .. تبين تاخذين من عندنا بنرد لج البيزات ماتبين يفتح الله …
المشاركة الأصلية كتبت بواسطة طيبة*قلب بس شنسوي الله يعين الخدم تغيروا لافطس ولا بطس الحمدلله
شنسوي اختي والله الكينيات والاوغنديات جربناهم وشفنا المر والاندنوسيات البيت مليان شباب وانت ادرى فيهن .. ماعندنا غير الاثيوبيات اللي شوي اهون من غيرهن
المشاركة الأصلية كتبت بواسطة أم محمد1988 هيه والله ماعندنا غير نقول حسبي الله عليهم .. الحين طلبت من مكتب ثاني وهالمرة كلمها ريلي وقالت بتيي من اثيوبيا بعد عشرة ايام .. وعسى خير يارب