بنات شخباركم اتمنى تكونو عرفتوني انا اللي كتبت موضوع نار بقلبي من خوفي عليه
http://forum.uaewomen.net/showthread.php?t=1093725
رحت اليوم على اخصائي الاطفال واشتبه انه عنده طيف توحد بس اكيد مو توحد شو الفرق ما ادري ولدي ماعنده اي اعراض من التوحد ولدي حبيبي ماعندي غيره بنات اللي تعرف شي عن هالمرض واذا له علاج انا بحثت وااايد عالنت ماقريت شي من الاعراض اللي عند ولدي الا الاشياء اللي كاتبتها والله الدكتور ما طمني في له صوره رنين مغناطيسي ياقلبي بيخدرونه قبل لا يدخلها تكفووون ادعولي وقوليلي اذا احد يعرف شي يفيدني عفكره انا بره الامارات 
هلا الغالية
حبيبتي طيف التوحد هذا نوع من انواع التوحد بس اخف الحالات وممكن مع الوقت يروح لانه محتاج اهتمام اكثر وفي مواقع أجنبية ممكن تأخذين منها الاختبار وتطبقينه على ولدج وبعدين تعرفين اذا عنده توحد او طيف التوحد والمفروض تستشيرين اربع دكاترة من دون ماتقولين له عن التشخيص الي قبله انا أختي مدرسة رياض أطفال وأخذت دوره في التوحد وأنواعه وعندها الاختبار ويختلف الاختبار من عمر لآخر وما تقدرين تعرفين اذا الطفل عنده توحد او لا لين يكمل الثلاث سنوات ألأنه مرحلة اكتشافه تبان من عمر الثلاث ل 6 سنوات
طيف عندنا في دبي مركز التوحد وهذا مركز اختصاصي وعالمي وهذا المركز الوحيد الموجود فالدولة وفي بالسعودية هذا الي اعرفه
حبيبتي الله يجزاكي كل خير والله ماقصرتي ويارب تنولي كل اللي بخاطرك بس ياريت تفيديني بعنوان المواقع اذا تنفع للي اقل من 3 سنوات ياريتني بدبي عشان اروحله يارب يطمني عليه حيرني الله يحميه ويحميكم من كل مكره
المشاركة الأصلية كتبت بواسطة om aboood 
حبيبتي طرشي لي أيميلج علشان اطرش لج الاختبار وبخلي أختي تشوف لج النتيجة وان شاء الله خير يارب
حبيبتي رسلته عالخاص جزاكي الله كل خير
اكثر من 200 مشاهده ورد واحد؟ عالعموم خواتي بكره صورته الرنين بيخدرونه بعد قلبي بالله عليكم تدعوله
الله يشفيه ويعافيه يا رب
ان شاء الله مافيه الا العافية
توكلي على الله