سلام عليكم ورحمة الله
بدش في الموضوع على طول انا حامل في الأسبوع 36 ووزن البيبي الله يحفظها كيلويين ونص فخلال اسبوع لازم يزيد وزنها شو تنصحوني آكل وله بيضطرون يولدون لسوء تغذية الجنين ساعدوني الله يخليكم ووايد خايفه بصراحه
الله يسهل عليك أختي أهم شي لازم تاكلي كل الوجبات ما طوفين أي وجبة و بعد لازم تاخدي الحديد اللي توصفه الدكتورة لك وبعد كلي سبانخ و فواكه و خضار عملي سلطة و حطي عليها زيت زيتون و الله يوفقك اختي
مشكورة
الغلا على مرورج بس انا ما فيني نقص في الحديد
انا في ولدي ماشاء الله ما خليت اخضر ويابس ما كلته.. بس كله اكل بيت.. عيوووووووووووووووووووووووووش ودهن خنين.. ودياي فرش..
وماشاء الله وزنه كان ممتاز..
يسلمو على مرورج
كلي بقدونس مع السلطة وكثري منه
هلا البنفسج…شحالج؟؟
منو اللي قالج ان الوزن المفروض يكون اكثر من جذيه بالعكس ترا وزنها زين وما عليج من كلام الدكاتره…وغالبا الوزن اللي يطلع في السونار ما يكون صح
وبعدين كل ما كان الياهل صغير كل ما كان احسن للأم في الولادة…لا تفكرين ولا تحطين في بالج
والدكتورة قالت لي ان الياهل في الشهر الثامن والتاسع يزيد وزنه اكثر عن قبل..والله يقومج بالسلامة