بشرى لمعلمات الدولة افرحوا يا مدرسات

السلام عليكم ورحمة الله وبركاته..

خبر لمحبي الدوامات..

يوم السبت مدرسة تعويض عن الاجازة اللي خذناها في رمضان..والله من سمعت بالخبر قبضتني غصة..وحالة اختناق…حرام حاسدينا على الاجازة يكفي انا احنا الفئة المظلومة والمنبوذة في المجتمع..على قد ما نكرف ما نحصل لنا مقابل..(نسأل الله أن يجازينا على أعمالنا)..
حرام طلعاتنا وترتيباتنا كلها في الويك اند يكفي انهم قلصوا كل اجازاتنا..ومن سنين وهم يوعدونا برفع مكانتنا في المجتمع وما شفنا شي….وبعدين احنا ما طالبناهم باجازة رمضان علشان يعطونا ويعوضونا عنها..

للأسف احنا الفئة الوحيدة في المجتمع اللي ما تلاقي مردود للي تسويه..جزانا على رب العالمين..

انا قررت أقدم استقالتي مب علشان الاجازة..علشان أدور شي ثاني أقدر أحقق فيه ذاتي..وطموحاتي..10 سنين وانا في التربية ما لقيت أي صدى…اللي تشتغل واللي ما تشتغل نفس الشي..
مافي مكافآت ولا حماس ولا شي..
الحمدلله اني انجليزي وحصلت لي شاغر..

الله يعينكم يا مدرسات…