مرحبا خواتي ..
اشحالكم عساكم طيبين؟ وشو رمضان وياكم؟
الله يسلمكم انا حامل وهذا شهري لي اسبوعين فيه .. وان شاء الله بربي في الكورنيش (ادعولي الله يسهلي يا رب ويسخرلي عباده) ..
بس اللي يمعته انه الكورنيش في البيبي الثاني واللي بعده ما يسوون خياطه .. فبغيت اتأكد اذا هالشي صحيح ؟ واذا اقدر اطلب منهم يسوولي خياطه او لو تنصحوني اسويها بره في مكان ثاني وعند منو ومتى انسب وقت؟
وتسلمون يا رب ..
اشدعوا ولا حتى نص رد ..!!!
كسبوا فيني اجر على الاقل في هالايام المبروكه ..
اللي اعرفه انهم يسوون خياطه عادي في كل الولادات ..
اما حد برع ما عندي علم …
سمعت عند ناديه و كاميليا بس عن نفسي ما جربت
حبيبتي انا مربية عندهم في كل عيالي وسوا لي خياطة في الاول والثاني والثالث بس الحمد لله الله رحمني في الرابع ومااحتجت للخياطةواللي اعرفه ان الخياطة على طول عقب الولادة فما ينفع تتريين وتسوينه عند حد ثاني والله يسهل عليج اختي وتقومين بالسلامة انشاءالله………..ز
الله يسهل عليج ياررررررب
هلا عزيزتي..
الكورنيش يخيطونج من برا ..
وإذا بغيتي من داخل تطلبين منهم لازم..
عن نفسي في ولادتي الأولى والثانيه ما احتجت والحمدالله..
وحرمة اخو زوجي راحت عند نادية تتأكد عن خياطة الكورنيش..
قالتلها نادية انه الخياطه 100% ..
واذا بغيتي برا عندج نادية أو أي عيادة ثانيه..
كل اللي عليج من تجربتي في الخياطه بس كانت برا مش داخل
كنت استخدم كريم ميبو.. هذا يبري الجرح ويلحمه بسرعه ومايخليج تحكين منطقة الخياطه لأنها تحجج وايييد..
واتحملي تغتسلين بماي وملح لأنه ينشف الخيوط وبيضايقنج..
وتمي بدلي الفوط الصحية بإستمرار عشان مايتم مكان اليرح رطب ويلتهب.
بنت الوزير..
متى أطلب منهم خياطه من داخل؟؟
حزت الولاده بعد ما يطلع البيبي؟؟ ولا لازم من قبل يكون مكتوب في ملفي؟؟
وكريم ميبو اللي طريتيه أي نوع ؟؟ لأنه في أكثر من نوع من ه الكريم