هلا خواتي هالموضوووع من عرفتة وانا تفكيري ماوقف..
يروح ويرد..انا في اخر الثامن .بعد يومين بدش التاسع..
انا فية ويع يوم يتحرك الياهل..وسرت المستشفى ويوم كشفت الدكتورة ..
ماقلتلي ..
انا سالتها اذا راس الياهل تحت..
قالت لا..
مع العلم انه فية سكر الحمل واول مرة اييني..
ورحت سويت تخطيط وقلت حق السستر انه الراس فوق سالتني اي اسبوع انتي..
قلتلها:34 قالتلي اذا طاف اسبوعج ال37وبعدة الراس فوق بيسوولي عملية..
انا اخاف وزن الياهل زاي وايد عشان جذيه الراس مش مستقر..لان في السكر يزيد وزن الياهل..
بحاول اروح عن دكتورة باجر وبشوف..
اللي مرت بنفس التجربة شو سوت..؟؟
فديتج انا بعد بكر شراتج وما عندي فكره بس اشالله ينزل الراس التحت واهم شي تقومين انتي والنونو بسلامه
الغاليه سيري عند الدكتوره نهله انا بنتي كانت معترضه فبطني وكانوا بيسولي عمليه بس سرت لنهله الي ف دبي وعدلتها ونزلت الراس تحت
ماعندي فكره والله يسهل عليج
الغالية انا كنت في نص الثامن وقالت لي الياهل بعده الراس فوق .. الصراحة خفت اتوهق في الولادة ومن ذاك اليوم كله امشي والحمدالله انا في اخر الثامن وانقلب البيبي … نصيحتي لج امشي بس مب وايد
خلي وحده تمسح عليج عسب تنزل راس الياهل
وحده سوت كذاااا والحمدالله نزل راسه
موفقه اختي….
عزيزتي لا تفكرين ولا تخافين ترى الياهل لازم يتحرك مرات الراس يكون فوق ومرات تحت اذكر يوم كنت حامل في بنتي قالولي نفس الكلام ان اذا طفتي الاسبوع 37او38بنسويلج عملية وكان الراس فوق جان تقولي الدكتورة عليج بلمشي امشي قد ما تقدرين وايد اوكي والاستشارية مالت الولادة قالتلي يوم تصلين في السجود طولي شوي لان سبحان الله في وضعية السجود الجاذبية الارضية تسوي شي ان تخلي راس الياهل ينزل سبحان الله والحمد الله سويت اللي قالولي اياه وربيت طبيعي وان شاء الله تربين طبيعي انت وخواتي الباقيات