السلام عليكم اخواتي حبيت اعرف كم لازم نطلب المهر ويشمل الذهب والزهبة والفستان كله ع الحرمه ويبقى ع الريال القاعة وباقي تكاليف الحفل..!!!
انا كان مهري مع الزهبة ٣٥٠ الف بس الشبكة و الصالة و كل شئ على ريلي ( طبعا بيزات الزهبة ما صرفت منه وايد لان ادري ان كل فترة و الثانية كوليكشنات اللبس و الأطقم من ذهب او الماس و غيره يتغير فيمكن خليت في البنك ١٥٠ الف و الباجي يعني اشتريت فيها أشياء لي و له )
الفستان كانت هدية من الوالدة الله يطول لي بعمرها
ماشاءلله تبارك الله الله يحفظكم ان شاءلله
اول شي هم كانوا قايلين 130 وعقب غيروا قالوا اللي يقدر عليه 80! سؤالي هل 90 او 80 يكفون ! وطبعا يشمل الذهب و الشبكة و الزهبة والمهر ويبقى الباقي عليه من قاعة وحفلة وكوشة !
صراحة ليست لي خلفية شاملة عن الموضوع بس بحاول اعطيج رايي حاولوا تدورون وتسالون وتشوفون المحلات واهم شيء يكون شيء جميل ومب مبالغ فيه و تكتبون في ورقة شو اللي تبونه باسعار تقريبية لسعر السوق و اهم شيء القناعة و الهناء لانه اذا الريال قام يدين كله عقب بينعكس على حياتكم
ولكم مني اجمل تحية
احين عندج مثلا 80
كله تقديري .. مثلا بنقول
20 للفستان
20 طقم ذهب اصفر
و20 طقم ذهب ابيض
وعندج 20 عسب تتزهبين احس يكفون ^^"
والزهبه لا تكثرين وخليلج جي مبلغ حق عقب
هذا ها الشي يقدر عليه ريلـج نعمه 80 او 90
بيكفوونج ماعليـــج واكييد ابوج ولا اخوانج ولا اهلك بيبوولج ساماان بعد فـ يســــد