السلام عليكم ورحمة الله وبركاته
كيف حالكم
بنات انا صارلي شهر من ربيت
وما اعرف شو شو اللحين ارووح اخليهم يبطلولي الخياطه ولا اخليها ابروحها اطيح او تذوب والله ماعرف
انا مضايقه شوي منها وللعلم الخياطه كلها من دااخل يعني مافي خيوط من برا..
وانا من ربيت ما اعرف كيف اصلا الخياطه اليوم يوم جيكت عليها لمحت مثل ثلاث خيوط وكله تر من داخل يتراولي مسويلي خياطتين من فوق يمين ويسار وفي النص من تحت بس كله من دااخل
منو سوولها مثلي بليز طمنني ومن ثلاث ايام طاح خيط يمكن طول صبع ايدي اصغير معناته اربع خياطات ولا كيف انا مول مب فاهمه كيف هالخيط طاح واليوم يوم جيكت شفت مثل الخيوط تجرأت وسحبت واحد زل ابسرعه وحسيت مثل القرصه وعورني وانا اسحبه وما قدرت اكمل اسحبه كله وخليته ف ما اعرف بليز انصحوني هل اروح عن دكتوره تسحبلي اياهن ولا اخليهن ابروحهن بيطيحن انا كملت شهر وبس خيط واحد طاح انا مشكلتي اخاف اروح عن الدكتوره وتتعبل فيه وتعورني انا من عقب الويع الي شفته فالولاده ماافكر اخلي اي دكتوره تلمسه انتن افشو تنصحني بليز بليز لاتقصرن ويايه ..
اصراحه وايد احاتي شاله همه
الغاليه أصبري لين تكملين الأربعين إذا ماطاحن روحي عياده خاصه خليهم يبطلونهن مايعورن أنا ببنتي طاحن قبل ماأكمل الأربعين بثلاث أيام وولدي كملت الأربعين ماطاحت رحت للدكتورة شلت الخيوط وكل ولاداتي في الوصل
الخياطة داخلية اصلا ماشي خارجية الا اذا الياهل كان 4 كيلو وفوق
واساسا الشق ما يكون في مكان واحد
وعادي فديتج توا الناس
بس ايلسي في ماي دافي وملح بسرعه بطيح الخياطة
خلج على الماي الدافي لين تخلصين من الاربعين
واذا شفتي نغزات لا تنقشين ابهم حطي بقطنة زيت زيتون بس عشان يرتخين
لان الخياطة يوم ما اطيح معناتها شادين الغرز
وخلاف ان ما طاحن عقب الاربعين سيري عند الدكتورة تشلهم وتسويلج تنضيف رحم مرة وحدة
وتنضيف الرحم سوية كل 6 شهور على الاقل..
وسلامتج الف سلامة
ويتربى في عزج ماياج ويجعلة قرة عينج وعين ابوه
عند اي دكتوره تنصحوني ارووح
وكيف تنظيف الرحم يعور ولا عادي اذا يعور مستحيل ارووح..
ومشكورات خواتي
سيري المستشفى نفسة مستشفى الوصل
او عند دكتورة الامراض النسائية اللي في عيادة الاخصائيين
وعندج الدكتورة جوان مراد في الشارجة
ورابحة الصايغ
اوراس كلهم في الشارجة وممتازات
وتنضيف الرحم عادي يعني تستحملينة بس وايد زين خصة اللي توها مربي
عشان ما يدخلج هواء وعشان الدم والافرازات يعني بترتاحين نفسيا وجسديا
انتي اي عيادة الاخصائين الي تسيلريلها ..؟
انا كنت اسير قبل عند هالعياده وكانت فيها دكتوره عيوز هنديه وايد زينه بس اللحين يوم ارووح ما القاها حطو بدالها وحده دكتوره من ايران ومول ماتعرف تتكلم عربي ومن عقبها ماصرت اروح لهم .. اي فرع انتي تروحين وشو الدكتوره الي عندهم