لله الحمد والمنه من قبل ومن بعد
للمره الثانيه الله من علي بالحمل و الحمد لله وبحملي الاول خبرتكم بفرحتي وحبيت اشاركم بها هالمره بعد ولعله يكون باب خير و امل للمتاخرات ربي يرزقهم عاجلا غير اجل
انا متزوجه من 5 سنوات ولله الحمد والله كرمني بعد 3 سنوات من زواجي بعد محاولات والله رزقني بولدي الغالي وطبعا شاركتكم فرحتي فيه وتجمعات الحمل والولادة ومن ربيت من سنتين وانا احاول وماكتب الله وسويت كل الفحوصات وكان معي تكيسات وضعف تبويض واخذت كلوميد وابر جونال اف و فوستمين وسويت تلقيح صناعي وفشل والالم من ذا كله تعب النفسيه من انتظار اسبوعين للفحص واتصل المختبر ويردو نيجتف بكل برود
وطبعا انا اشتغل وولدي يتم روحه وكل ذا الم نفسي لي ويقطع قلبي يوم يصيح يبا ييلس مع عيال خواتي
الدكتوره الي تعالجني قالت لي بحولج عاطفال انابيب لان الفشل بالمحاولات استمر اكثر من 6 اشهر وبنفس الفتره كنت احلم احلام وافسرها انها حمل ولما اروح افحص اقول الله مبشرني برويا ومابيردني خايبه بكل يقين وللاسف يجي الرد مافي حمل والله يابنات يردد قلبي الحمدلله رغم الالم النفسي الي يكون معي …. المهم وقفت علاج وكانت معي سفره وقلت لزوجي عقب مارد من السفر بتوكل عالله وبسوي حقن مجهري ونسيت الحمل وشلته من بالي
انشغلت بسفري بس شفت كم حلم قبل لااسافر منها ان اتزوج بعرس كبير وحلم ثاني ان متحنيه ومره اولد وكلها رموز للحمل
وسافرت وتاخرت دورتي 4 ايام حللت قبل الدوره بكم يوم وطلع ماشي حمل وقلت الحمدلله خيره
المهم كنت نايمه وحلمت اقول لزوجي اني حامل وحد يقولي انتي حامل بالحلم وقميت من النوم وطلبت من زوجي يجيب لي تست ولانا مسافرين ماعرف نوعيات التستات وشكيت لان طلع لي خط خفيف يدوب يبين وقلت ذا رخيص ورحت بروحي هالمره وخذت اثنين وسويت واحد طوالي بالمول الي فيه الصيدليه وماطلع الي خط الكنترول وحفظته بشنطتي
لما رجعت الفندق شفت خطين واحد للكنترول والثاني فاتح فشكيت بعدني انه خط تبخر
بغيت اسوي تست دم بس صعب وايد التفاهم بذي البلاد
قررت اعيد الفخص بالفندق بس كان التست من الرخيص وللاسف النتيجه طلعت واضحه نيجتف
من الصبح طرشت زوجي ياخذ لي تستين غاليات ومن سويتهن لله الحمد والمنه النتيجه ع طول واضحه حمل ربي يثبته ويحسن خلقه وخلقه يارب العالمين
بالبركه عليج
و ربي يقر عينج برؤيته
مبروووووووووووك حبيبتي والله يكمل فرحتج ويتمم لج حملج على خير يااااااااارب
فدييييتج والله
عسى الله يرزقجً الذريهً الصالحه المعافاه السويه وعسى ربي يتمم لج على خيييرً والله فرحت لج من كل قلبي
وطمنيناً عليج يالغاليه
الف الف مبروووك اختي
الف مبرووووووووووووووك حبيبتى وربي يتمملك على خير
الحمدلله
مبرووووك