انتـــــــــــــــو حطـــــــــو العنوان

الله وفقها و انخطبت و عرست و انا الحمد الله مع اني ما حب سوالف الحريم الي يخص العرس و الزهبة الى اخره…ما قصرت الحمد سالت كل بنت معرسة قدرت اوصل لها عشان اساعدها في زهابها ودووم ادعيلها بالخير …الموووووووووهيم هاي البنت ما عرف كيف تخلت عني في مشكلة ..كان صدق ويهي مبين اني تعبانة من التفكير (اتكلم عن الجامعة و سكنها للعلم انا بعدني ادرس) وهي يوم تشوفني يا ايما تطنش او تقول ما عليه لا تحاتين …انزين عرست الحبيبة و انا الله العلم بظروفي كانت امكانية حضوري ضئيلة للعرس و يوم اقولها جيه لا حرام و الله ما اكلمج و من هالخرييييط …..المووووهيم رحت و اتعدلت لا و قبل ما اوصل دقيت لها عشان دلني مكان الباب الخاص بالاهل طبعا لانها مشغولة بالتصوير ردت علي اختها و ياريتها ما ردت لان صدق تحسين انج تكلمين ميت…وصلنا و دخلنا و سلمت عليها و باركت لها و عدى العرس ع خير مع اني ندمت لاني سرت ..(ضيعت وقتي عالفاضي عشي مووول مايسوى) انا ذكرت السالفة عشان بس تحسون وتقيمون موقفي اذا انا مقصرة بشي…
الموووهيم …صح نسيت هيه عرست فالصيف انزين و بدا الكورس او العام الجامعي اليديد…
و الله لو اصور ويها لكم بس …يوم شافتني جنها صاعقة ما عرف يعني مبين انها حاقدة او غيرانة انزين من شو ؟؟؟؟؟ يعني انتي معرسة و كل شي اوكي الله يبارك و يزيد ما عرق اتحسينها محترقة من داخل حتى اختي حست بها الشي (اختي تدرس بالجامعة وياي) مع ان ريلها رومناسي و مووول ما مقصر معاها بشي ….بس ما عرف ليش تم جيه ساكته واللي وياها بعد (ربعها يقربولها بعد)…
المووووهيم هاي حملت و هي تقريبا 3 شهور و مب طااايعة تقولي مع العلم ان كل ربعها يعرفون الا انا اللي اقربها و ربيعتها بعد ليش ما عرف….تخيلو اني مرت كنت زايرتها بالسكن و الحبيبة سارت عطووول تلبس عريض و ما عرف شو …دخلت الغرفة و ترحيب زفت شرا ويوهم….الكل ساكت و الكل يطالع الثاني ما عرفت حسيت انها تقول هاي تعرف ولا لا(عن الحمل يعني ) وانها تسمي عمرها عاااااااادي ويوم طلعنا سرت انا شوي بعيد و ربيعتي اللي كانت وياي سمت عرها تطلع من شافت اني بعدت … دخلت تقول لها (يعني من اللي فهمته ) تقول لها ما يبن و هي تقول و الله و تضحك ….انزين و انا لين هني عاااااادي انا اعرف بس ساكته لاني مستحيل انزل لمستواهم …و الين يومكم هذا و هي مخبية السالفة هههه….
بس حبيت اشوف ردات الفعل لو كنتو مكاني…
المجال مفتوح ..^^
حبيت اقول بالاخير انا عادي عندي هالمواقف لانها اخر زمان و متوقعة كل شي و الحمد الله انا ما ناقصني شي عشان اغار و احسد …الخ

خلي كل الاحتمالات ..لانه مستحيل تتغير عليج من لاشي ..!!

مادري شقولج … بس الله يهديها .!!!!!

النااس من تعرس وتستانس تتحرى حد بيحسدهااا

ف يوم من الااياام بتحس