اخواتى توفى اخوى قبل فترة بسيطة فى حادث سيارة وقبل مايتوفى بساعة كلم امى وتم يتمصخر وياها ويضحكها ويوم ياها الخبر انهارت وبكت وبكت وبكت وبكت وتعبت نفسيتها واااااااااااااايد بس ايمانها بالله صبرها شوية بس المشكلة انة من يوم ما اتوفى اخوى وهى تبكى عليه دوم ….اذا بطلع فى الحوى اشوفها منخشه ورا الزرع وتبكى …واحيانا تحضن عياله وتبكى ….واحيانا تطلع الاغراض الى هو شراها لها وتم تصييييييييح صياح يقطع القلب …واحيانا تبكى عليه على الغداء لانه الوجبة هو يحبها …كان يحبها واااااااايد وكانت تتدلل عليه وكان بار فيها واااااااااااايد بس صحتها على قدها خبرونى شو اسو علشان اخفف عنها؟؟؟؟
انا اللي صحت مب امج 
الله يصبر قلوبكم ويصبر امج
مب شي سهل عليها
والله مب سهل
قسما بالله مب سهل
تفقد ظناها
والله يرحمه يارب
ويصبر عياله وزوجته
شي متعب نفسيا
اعرف جارتنا
ولدها توفى بحادث
والله ليومج هذا يمكن
كملت سنه وهي تصيح
شو قلبي يتقطع عليها
بس ماعندي حل
غير دعواتي لها
ولكم بالخير
إستغفر الله والحمدلله ولا إله إله إلا الله
اول شي عسى ربيه يرحمه ويجعله من سكان الفردوس الاعلى ويخفف عليه عذاب القبر ويثبه عند السؤال ويرحم جميع موتانا وموتى المسلمين
قولي لها الموت حق والميت ماتيوز عليه الا الرحمه خلها تدعي له واتصدقو عنه يوم الجمعه وادري هالشي مش هين لكن لو الصياح يرد الغالين بنصيح ليومج هذا
وان شاء الله اخر احزانكم
لا حول و لا قوه الا بالله
الله يرحم اخوووووج و يغفر له
و يصبر قلب امج لانه شي مب سهل ابدااااااااااااا
لا حول و لا قوه الا بالله
نحن مجرد ان نقرا كلامج اللي انتي كاتبته تدمع عيونا كيف هي و ها ولدهااااا
الله المستعااااااان
المشاركة الأصلية كتبت بواسطة ام مهـره !! 
اول شي عسى ربيه يرحمه ويجعله من سكان الفردوس الاعلى ويخفف عليه عذاب القبر ويثبه عند السؤال ويرحم جميع موتانا وموتى المسلمين
قولي لها الموت حق والميت ماتيوز عليه الا الرحمه خلها تدعي له واتصدقو عنه يوم الجمعه وادري انه السالفه مش هينه لكن شو بتسوي لو الصياح يرد الغالين بنصيح ليومج هذا
وان شاء الله اخر احزانكم
الله يرحم أخوج
بس أنا أجوف هي راحتها في الصياح ومع الايام بتنسى
ااااااااخ .. عورني قلبي عليها
الله يصبرها ياااا رب.. دعواتكم لها
حبيبتي يوم اتشوفيها اتصيح
احضنيها بقووووه و حاولي اتعوضيها .. هو صعبه بس حاولي..
نسيها كل اشغليها .. قوليلها ان شاء الله بتلتقين وياه بالجنه .. هو الحين مرتاح ليش اتعذبينه بصياحج ؟؟
ااااخ الله لا يبعد ام عن ضناها امين ..
و الله يرحم اخوج