هلا بنات
عيدكم امبارك والله يعيد علينا رمضان ونحن بصحه وعافيه ايام عديده وازمنه مديده ان شالله
بناات انا اموت في شي اسمه علم نفس
انا توني مخلصه ثنويه
ودشيت جامعه مافيها تخصص علم نفس للاسف 
بس دشيت قسم التربيه بدرس ان شاء الله ادب انجليزي
لكن انا اتخبل ع شي اسمه علم نفس من يوم نحن في 12 وانا يوم اذاكره احس بمتعه
صح كانت المعلومات وااايد والبنات يتحرطمون وايد ومادري شو بس والله العظيم اني كنت احس بمتعه وانا اذاكر هالماده بشكل مش طبيعي
وولا امتحان نقصت فيه ماشاءالله لاقوة الا بالله من الفصل الاول وانا 100 فالتقويم وفالامتحانات النهائيه 
وحابه اتعمق فيها اكثر واكثر لدرجة انه كل اهلي يقولولي علم النفس مالج وعلم نفسج ومادري شو 
جد جد عندي رغبه قويه اني اتعلمها
بحيث اني اعرف شخصية الانسان الي جدامي مثلا
حابه اعرف انواع الامراض
وغيره وغيره من الاشيا الي ماتعلمناها فالمدرسه
ما ادري ليش يمكن الابله حببتني في الماده ؟
او انا عندي ميول ورغبات اني افهم اكثر فهالمجال
الحين شو ابا منكم
ابا اتقولولي اذا فيه مثلا مراكز تعطي دورات في علم النفس
او تعرفون كتب ومواقع اقدر اتعلم منها هالاشيااا وجد جد استفدتوا منها وحسيتوا عماركم استويتوا خبيريييين فهالمجال 
خاطري استوي اخصائيه نفسيه او دكتوره نفسيه
اعالج الامراض افهم شخصيات الانسان احللها و و و و لان احس هالمجال احلى مجال فوقتنا هذا ومجال مفتوح اقدر اتعلم منه اشيا حتى لو ما اشتغلت تفيدني فحياتي …
بشرط المركز الي يعطي دورات فهالشي اباه يكون قريب مني
الشارجه او عيمان لان صعب علي اضرب خط من الشارجه لين دبي
او من الشارجه لين عيمان والعكس
وشكرااا
راسلوني عالخاص بنات
اب
اب
حلو كثير علم النفس شي مهم
ويحتاج انسان يحلل وذكي يعني يحب يفكر ويتامل الناس والطبيعه او الاشياء من حوله
ومفيد يعني لو عندنا اخصائيين نفسين ممتازين ماكانت حالتنا جي
بس بعد الادب الانجليزي شي راقي حبك لعلم النفس ممكن ينعكس على فهمك للادب بشكل عام
انا كنت احب هذي الاشياء وشاطره بالامور الادبيه
بس دخلت تخصص علمي تكنولوجيا مااعرف ليش في الاخير حسيت نفسي فيه رغم اني مب احسن وحده في الامور العلميه
هي اختي بس الواحد لما تكون عنده رغبه لتعلم شي ما
يفضله حتى على التخصص الي هو مختارنه
انا كنت ابغي ادرس علم نفس بس للاسف ماكان هالخيار متاح لي
انا ماعندي مشكله اني اتعلم شيئين فوقت واحد لاني حابه هالشي وابغي ابدع فيه عرفتي
فماحس ان شالله اني بقصر فولا واحد منهم
الانجليزي اخترته عن قناعه وواجب علي اختار تخصص ادرسه فالنطاق الجامعي وعلم النفس هذي رغبه فداخلي ابغي ادرسها واتعلمها وافهمهااا لاني احبها
وانا فكرت من الناحيتين
الادب الانجليزي بيكمل علم النفس ان شاء الله
بحيث اني لما بتعلم قواعد الانجلش وكلمات يديده
بقدر حتى اقرا كتب نفسيه انجليزيه وبتثقف اكثر واكثر
والله يقدرني يارب والله اني حابه هالشي
ان شاء الله اختي
التعليم حلو
وان شاء الله تحقيين اي شي تتمنيه ياااااااارب
دعواتك لنا
انا تخصصي علم نفس بس اشتغل في غير مجال تخصصي