النظره الشرعية

السلام عليكم ورحمه الله وبركاته

شحالكن بنات؟

كل بنت مرت بهاي اللحظه تعطينا شوي من خبرتها

والله مستحيه مب عارفه شو اسوي

شو البس؟

احط ميك اب خفيف ولا بدون اي شي؟

والله شكلي ما بروم اشوفه من المستحى

دعولي الله يخليكم والله يجمعنا ع خير يا رب

حاولي تتصرفين على طبيعتج ،، و اصلا من التوتر راح تكونين هاديه ومستحيه و حاولي انج تكونين مبتسمه

وقبل لا يدش الريال او قبل انتي لا تشوفينه قولي " ربي اشرح لي صدري ويسر لي امري ،، إلخ الدعاء ،، مع اللهم لا سهل الا ماجعلته سهلا … إلخ " احس وايد ينفع

والبسي عباتج احسن اما الميك اب حطي خفيييييييييييييييييييييييييييييييف يعني شبه طبيعي ،، يعني كحل ماسكارا وبودره وقلوس خفيف ماله لون احسن ويكون كله خفيف لانه لازم يطلع ويهج بالشكل الطبيعي ،، ولاتحطين روج احس مب حلوه >< بس اذا لاااازم حطي خفيييف جدا لونه طبيعي عرفتي كيف ،، بالأخير على راحتج

بس اذا الريال طلب يشوف كيف جسمج يعني بدون عباة فهذا من حقه لانه فيه رياييل جي يبون ،، فالبسي شي مرتب كندوره او تنوره وقميص مسترين يعني بس يوصف تقريبا كيف هو جسمج

يعني حاولي اتحسسين عمرج انه الموقف طبيعي قد ماتقدرين عسب ما تتوترين ..
وبالنسبه للمستحى ها شي طبيعي وحلاته البنت اتكون مستحيه ..

بس حاولي انج اتشوفينه او تلمحينه .. مب قصدي انج اتمين اتطالعينه لاااا طبعا ..
بس قصدي انه من حقج اتشوفين الريال ..

وبالنسبه لللبس والميك اب ..
لبسي عبااه .. وحطي ميك اب خفييييييييييييييييييييييييف انه ما يبين انج حاطه ..
يعني لا تفكريييين اتحطين شادو او ترسمين عيوونج بالاي لاينر .. لازم شكلج يكون طبيعي ..
يعني حطي جحال داخل عيونج ومسكره خفييفه وبلشر لونه طبيعي ..
وحطي قلوس عسب يعطي لمعه لشفايفج او روج على لون شفايفج .. لا تفكرين اتحطين روج احمر او شي واضح ..

امممم ولا تنسين الاستخاره قبل وبعد الشوفة ..

استخيري واااااااااااايد ..