السلام عليكم
خواتي انا اعيالي تاسيسهم كان ف الامريكي
هالسنه ريلي يقترح البريطاني
يقول افضل
انتوا شو رايكم
بليز ابي رايكم الخاص
وبعد استفسار
شو احسن مدرسه اتحسون
جيمس ولا المدارس اللي تابعه للدار؟؟؟
اتريا
شكرا
ما أنصحج تغيرين من الأمريكي إلى البريطاني
لان المنهاج البريطاني وايد صعب
بنتي g1 و منهاج بريطاني و متلعوزة وايد وياها سواءا
بالانجليزي او الساينس و حتى الماااااث
نصيحة من اختتتتج
لا تغيرون لان البريطاني وااااااااايد معقد و يتعب و عيالج بيتعبووون لا تضغطون عليهم
و عن مدارس جيمس صراحة ما حبهم لان وايد عندهم حفلات النصرانية
مثل عيد الفصح و غيره و يحتفلون بشكل علني
بس بعد الشور شوركم
المنهاج البريطاني صعب بس هو اقوي للمستقبل العملي الله ايوفق عيالنا جميعا
ماعليه بيبتدون بالصعب وبعدين بيكون سهل عليهم مستقبلاا ان شاء الله
هو صعب بالنسبة لنا لان نحن مب دارسينه فعسب شيه نشوفه صعب ومعقد
المشاركة الأصلية كتبت بواسطة ورقة ناعمة 
هو صعب بالنسبة لنا لان نحن مب دارسينه فعسب شيه نشوفه صعب ومعقد
اسكتي يالغلا انا طلع لي قرون يالغلا
بيني و بين الجنون شعرة
هههههه
وقسما بالله تعالي جربي منهاج البريطاني و دراسة لطوفة
حرام لا تمشين تكلمين عمرج
والله محتاره ماعرف