لو سمحتم بنات ، أريد طريقة المنسف الأردني.
ان شاء الله الخوات ما بيقصرن
up up
يا ستي العزيزة المنسف الاردني كالتالي
جيبي لحمة قطع كبيرة الكمية اللي بتريديها , ولبن جميد الكسيح بتلاقيه عن اسطنبول , وطبعا ارز , وخبز ايرني او خبز شراك ما بعرف شو بتسموه بالامارات
الطريقة : بتقطعي بصلة فرم وسط لا صغير ولا كبير كتير وحطي الحمة على النار مع الماء بتغطي اللحمة وبتحطي ورق غار ومسمار وحب هيل عشان زفرت اللحمة وبتخليها لحتى تحسي انه اللحمة قربت تستوي ولما تكون قربت تستوي بتحطي لبن الكسيح والكمية اللي بتحطيها لحتى تشوفي انه اللبن صار اله طعم وبعدين بتحطي الملح عشان بعد اللبن ببين عندك كم بده ملح خصوصا انه اللبن بيملح اللحمة واتركي اللحمة لحتى اللبن ياخد باللحمة واللحمة تستوي
طبعا قبل هيك بتكوني غسلتي الرز ونقعتيه تقريبا نص ساعة بمي اسخن من الفاتر بشوي مع شوية ملح وشوية كركم
بتصفي الارز وبالقدر(طبعا قدر تاني غير قدر اللحمة ) بتحطي شوية زيت قلي وبتحطي الارز عليه وبتقلبي فيه مع شوية ملح وبعدين بضيفي الماء على الارز كمية مناسبة عشان يستوي
بس يستوي الارز واللحم بتفردي الخبز الايراني او خبز الشراك داخل صدر وبتنقعيه باللبن يعني بتحطي اللبن فوق الخبز تغرقيه , وبتحطي الارز فوقهم واللحمة بالوسط وبتزينيه بالصنوبر المقلي والبقدونس المقطع ويقدم بجانبه شوربة اللبن
وصحتين وعافية
مشكوره شهد غابش ع المرور ، ودار الزمن مشكورة ع الطريقة