اخواتى فى الله السلام عليكم انا اتحدث عن المربيات فى المنازل وكيف استطاعت معظم الامهات ان تجعل من المربيه ام بديله لها واريد تجاربكم وأراوكم فى هذه الظاهرة التى انتشرت فى مجتمعنا وهل من حق الام ان تترك للخادمه التصرف فى شئون وحياة ابنها؟ وشكرا لكم انتظر تعليقاتكم
هلا حبيبتي
موضوعج مهم جداً .. وللاسف هذا اللي قاعده اشوفه من البعض في مجتمعنا
الام مسلمه دورها للخادمة او المربية
هي اللي تاكله وتلعبه وتسبحه وتنومه ..
وبالاخير يوم الطفل بتعلق في الشغاله يتضايقون ويقولون ليش متعلق فيها ويحبها اكثر مني
الأم العاملة بتقولين انا اشتغل .. انا بقولج وايد حلول تقدرين من خلالها تخلي الطفل عندج وتعوضينه وتخلينه يتعلق فيج ويتمسك فيج مب في الخادمة
أول ما تردين البيت امسكي انتي عيالج .. مب لازم تنامين الظهر او نامي ونيمي عيالج معاج
الشي الثاني اذا انتي تعبانه وناشه من الصبح .. فلا تنسين ان الشغاله بعد ناشه من الصبح وبحاجة الى انها ترتاح
عوضي عيالج فترة غيابج عنهم بانه انتي بمجرد ما تدخلين البيت ينتهي دور الخادمة تجاه الاطفال
حتى لو بتطلعين حاولي تاخذينهم معاج او تتركينهم عند ابوهم او احد من اهلج .. بس اهم شي ما تتركينه عند الشغالة
الياهل اذا ما حصل حنان امه في هالفترة متى تبينه يحصل ..
اذا يشوف الخادمة هي اللي تأكله وتسبحه وترقده وتلاعبه .. .شو بقى من دورها ؟؟
دزرها انها يابته بس !!!!!
أتمنى اشوف الام هي اللي تقوم بعيالها .. ^_^
والله يااختى انا رايت امهات لايفعلن اى شىء ولا يتدخلن فى تربية الابناء لدرجة ان الطفل بنادى المربيه بماما
Nice topic! الله يهدي الامهات ان شاء الله
السلام عليج اختي ضياع الامانة حتى من الام والعياذ بالله
الحمد لله درست جامعة وانا حامل ومربي وعندي عيال كانت الحضانة المناسبة وقت غيابي وامي جزاها الله خير احيانا وربيت عيالي ولازلت اشعر بالتقصير تجاههم
ومازلنا نسعى فأختاري لعيالج الافضل بعيد عن البرستيج الفاشل عند بعض الامهات هداهن الله وايانا اجمعين