كيف حالكم خواتي حبيت اتكلم عن عن تاخير اليوم الدراسي شو الفايده منه ؟؟
ماعندي عيال فالحكومه بس يوم اشوف الطالبات يوصلن على صلاة العصر
يغمضوني وحتى المدرسات
خلونا نتناقش
هل جونا يساعد عالدوام الطويل؟؟الاجانب شمسهم تطلع عالساعه تسع عسب ها الشي دوامهم يبدا متاخر ويخلصون العصر احنا غير مفروض دوامنا يبدا من تطلع الشمس ويخلص عالوحده عشان الطالب يكون عنده وقت للراحه والغداء والصلاه وبعدين يذاكر
هل مدارسنا وباصاتنا مجهزه للدوام الطويل مفروض يكون في مطعم فكل مدرسه وبريك للغدا ومكان للصلاه مب حرام هالطالبات اللي فالصف الاول ايتمن باليوع الين العصر ؟؟
هل الطالب المضغوط من الصبح الين العصر يقدر يركز فالمذاكره متى بيذاكر اذا هو المفروض يرقد عالساعه 8 متى بيرتاح وبيذاكر لازم يسهر اشوي عسب الوقت يكفيه
انا فالجامعه ماكنت اخذ محاضرات عقب الوحده احس اني خلاص ما اقدر اركز
الله يعيييين الطلبه وماادري شو الهدف من تاخير الدوام؟؟؟؟
احيد يوم كنا صغاركنا نرد عالساعه 12 وكان يومنا طويل نتغدا ونرقد ونلعب مساكين عيال ها الايام ماعندهم وقت لللعب
نتريا اراء الخوات شو رايكم؟؟؟؟؟؟؟؟؟؟؟؟؟
شو نسوي فديتج المنهج محتاج لوقت عسب يخلصونه
و نحن من كل حصة مزيدين 5 دقايق فقط يداومون 7 و ربع الطابور و يخلصون 2 و 10
يعني احسبه عادي و للعلم عيالي في مدارس حكومية
عـآآدي خلآص تعودنـآ ^^
صح مدارسنا مش مجهزه لدوام الطويل
انا اخويه الصغير يخلص الساعه 3 يقول مافي مرافق نظيفه (الحمامات عزكم الله) ولا مطعم حق الغدى المفروض يوفروهم اشياء وااايد قبل ما يخلون الدوام طويل
والله ظلم !
اي منهج دخيل اللهـ !
يتلعثون باجازه رمضان
اصلا هاييج السنه نداوم رمضان بس اسبوعين واسبوعين اجازهـ عييد تقريبـآ
بتقولولي بيخلوناا نداوم لين 3 ونص سنه كااملهـ عشان يعوضون عن اسبوعين !!
تعب وماشي وقت نذااكر ولا نحضر و اونه يقوولون يتوقعون نسب ! اي نسب ع هالحاله
وحر ودنيــآ
الله كريم
ولدي بعده بالروضه الله يعين يوم يلحق بالركب شو بيسوي 
بس هم اكيد لهم اسبابهم
شو أقلج يا أختي نحن ندرس في مدرسة قريبة من منطقتنا لأن في منطقنا ما فيها مدارس بنات بس مدارس أولاد
نطلع سبع الصبح ونرد الساعة 3و 40 دقيقة العصر يعني وأنا ثنوية عامة ، تعب وإرهاق يعني متى بتغدى وبرتاح لو ساعة وحدة ما عندي أبد وقت والله في الحصة يالسة أستوعب وخاصة الحصص الأخيرة لأن الحصص طويلة ومملة بس متى بيرد مثل قبل الدوام