اللي يلبسن عباية الراس .محتاجه نصاايحكم

و حفت الجنه بالمكارهو حفت النار بالشهوات …

و بقولج شي بعد انه الناس تسوي الغلط و تجاهر فيه وما تستحي …فليش انتي تستحين من الصح ؟!!!!

يعني المتبرجات يتكشفون و بدون حيا ولا مستحا …
و انتي اللي بتتغطين و بترظين ربج بتستحين ؟؟

و اهم شي بالعبايه الستر ..و الحشمه و غطا الويه لازم ولا تصدقين كلام اللي قال البنت مو لازم تغطي ويها ..و سنه ومدري شو ..

ونا اقول اطلعي على كتيبات و نشرات عن الحجاب ..و فوايده ..تقوين فيها نفسيتج من داخل …
و عندج كتاب صرخه في مطعم الجامعه للعريفي ..كتيب رائع جدا ..

اذا مايسده انج تلبسين نقاب او غشوه حتى لو تغطي جتوفج فـ عليج انج تلبسين عباة الراس دام انه يباج تلبسين

لكن والله اقولها لج .. ان عباه الراس راحه نفسية ..

والله بتحسين نفسج ملكة يوم تمشين ..

والشيء الثاني اختي خلهم يعيبوون .. عادي مأجورة ان شاء الله ..

انا قالوا لي غراب .. وقالوا عني خيمة ..

لكن والله لما قالوا لي غراب استانست تعرفين ليش ؟؟

لان الصحابيات كانوا في سترهم مثل الغراريب السود ..

والستر للصغيرة قبل الكبيرة في العمر ..

والله كل يوم اشوف فيه وحدة لابسة عباة جتف احمد ربي الف مرة على نعمة عباة الراس ..

عذرا للي يلبسون عبي الجتف

لكن الصدر واضح حجمه ومحدد

الكتف واضح حجمه ومحدد

الخصر واضح محدد حجمه ..

المشكلة اننا احنا ما نعرف راي الريياييل في العبي ..

نعرف راي الحريم ونسمع كلامهم ..

مع انه المهم نعرف راي الريال ليش ؟؟

لن الريال هو اللي ينفتن بجسد الحرمة ..

في حين الحرمة ما تنفتن إلا بكشخه الحرمة ..

يعني لما لبست العباة .. من اللي فرح لي ؟؟

ابوي واخواني الرياييل ..

بس من اللي عارض وصار يطلع لي الف عذر وعلثه ؟

الحريم .. وكل وحدة تطلع لي عذر ..

وبعدين ممكن يقولون لج العباة تقيد في بعض الأمور ..

بس انا اقولها لج ما تقيد في اي شيء ..

لا في المشي ولا في الحركة ولا في الحمل ولا مع عيال ولا في الحج ولا ولا

إلا في حالة وحدة ؟؟ أذا انتي كارهه العباة .. بتحسين انها تقيدج في كل شيء ..