اللي عندها خبرررة في الرجيم .تدخل

السلام عليكم ورحمة الله وبركاته

السلام عليج حبيبتي
حبيبتي مب خبره بس من 20 يوم ابتديت رجيم و نزلت 5 كج و الصراحة مب ملتزمة في الاكل احيانا اخربط بس اهم شيء قسمت اكلي ل 5 وجبات , 3 وجبات رئيسية و وجبتين سناك ( ريوق – سناك – غداء – سناك -عشاء ) و اكلي سلظة و شربة و شيء مشوي
بس سرت اشتريت قهوة ريجيم من دراجون مول الصيني في دبي ب 50 او 60 درهم و سرت اشربه قبل الريوق بنصف ساعة و في المغرب قبل العشاء
و اشتركت في جيم و اسير يوميا اذا قدرت 40 دقيقة مشي سريع و 15 دقيقة جهاز السلم و 10 دقياق تمارين بطن
و الحمد لله احاول اوصل للوزن اللي اباه

شو من رجيم استخدمتي

احس ابا ابكي

من قبل 3 سنوات ازاد وزني لين وصلت للـ 90 كيلو
مع العلم ان طولي 161
بصراحه وصلت حدي من الضيجه لاني لاعاد قدرت البس ملابس ظيجه ولاعاد رمت البس ملابس خاصه حق ريلي كله بسبت الكرشه والزوائد و و و و و و و
المهم قررت اني انزل وزني
وبديت من بداية الشهر اسوي رجيم
كان فطوري تفاحه بس
وغداي طبق عووووود سلطه بدون ملح
وصدر دياي مسلوق او مشوي او قطعة سمكه مشويه بقدر حجم الكف
وفترة العصر اكل حبة فاكهه وحده،اما برتقاله او كيوي المهم كنت اتجنب الموز والمانجو
وبعد المغرب اكل روب قليل او خالي الدسم بس
ومن بعد الروب مااكل اي شي لين اليوم الثاني
وكنت اشرب خلال اليوم 6 اكواب ماي
وكنت امشي في اليوم 5 كيلو
والعب ايروبك 3 ايام في الاسبوع
والحمدلله نزلت خلال شهر ونص من 90 كيلو الى 69
ولله الحمد
بس الموضوع ومافيه ياحبيبتي محتاي منج عزززيـــــــــــــــــــــــمه واراده قوووووويه وبس
والله يوفقج

لانج اول مرة تسوين رجيم ابدي بتخفيف الاكل او اقطعي الرز والباستا والخبز الابيض من نظامج وحولي للاسمر وامشي ساعه باليوم
ولا تنسين الماي لانهم مهم لترين في اليوم
وان شاء الله بتنزلين

موفقة حبيبتي