السلام عليكم
ولدي الله يحفظه عمره الحين ثلاث سنوات ونص
وهو تقريبا من سنتين يعاني من صدره وضيق النفس
وكحه دوم وسرعه نبضات القلب
وديته أكثر من مره مستشفى الوصل
دوم يعطونه بخاخ ويسوون له أشعه ويقولون التهاب في الرئه
ويعطونه مضاد حيوي مدة عشر أيام
وبس دوم ها علاجهم
صح انه يخف عنه ويرتاح صدره
بس ما يكمل اسبوعين إلا ورد له
من اسبوعين تقريبا وايد تعب علي والحمى ماتنزل عن تسعه وثلاثين وديته
عند عبدالله الخياط (اللي هو مدير مستشفى الوصل عنده عياده خاصه )
قال لا بس كحه وعطاني دوى قلتله يمكن فيه التهاب في صدره قال لالا
يوم رديت وديته الوصل سويت أشعه قالو التهاب مره ثانيه
عطوني نفس العلاج وخف
والبارحه رد له
ف وديته مركز الورقاء الطبي
عند ذكتورة هنديه حسيتبها شاطرة
كشفت وقالت فيه الربو وشرحت لي كيف والأسباب والوقايه
بس وايد تضايقت عنبو وديته كل هالأمستشفيات محد عرف انه ربو !!
المهم عطتني بخاخ كورتيزون وبخاخ ثاني
وهو وايد يقطع في الكلام لأنه مايقدر يتنفس عدل
عطته إبرة كورتيزون
ف وايد أفكر أحس الكورتيزون مب زين وايد
هل في بديل !!
سامحوني طولت بس شاله هم هالمرض ! أحس به مب هين
طمنوني
ووديته عند
الله يعينج ويعيني لاني انا هاي مشكلتي مع ولدي وودي القى حل لاني احس ولدي تعب بس في ناس يقولون يوم بيكبر بتخف الازمه انشاءالله
من تجربتي مع بناتي أنصحج تراجعين الدكتور طارق في مركز كامكار في منطقة الوحيدة في دبي
أكثر عن ممتاز وخصوصا للربو
رقم العيادة 042697171
الله يشفيه انشالله
الله يعين
أتمنى الباقي يفيدنا
هلا حبيبتي
ولدي كان جيه
الحساسية والكحة كل شهر ترجعله
ما خليت مكان ما وديته
شوفي حبيبتي
اهم شي تاخذين بالاسباب
ما تسوين دخون ..
عطور ممنوع
لعب بالتراب ممنوع
أي شي بارد .. مثل الماي والعصير
يعنى كل شي يتحسس منه الطفل تمتنعين عنه
اشتريت جهاز بخار .. وخليته عندي في البيت
وكلما ترجعله الكحه على طول اسويله اكسجين بدون ما اوديه للدكتور
ومن كثر ما يتعب حفظت الادوية وخليتها عندي احتياط
الادوية هي:
بلمكورت .. مهم جدا
فنتولين
محلول ملحي
طبعا اذا زادت عنده الكحه .. اضطر اوديه للدكتور ,, لانه يتحول لالتهاب
ولاااااااازم ياخذ أبرة ( روسوفين ) وهيه كورتيزون
والدكتور قال ما تضر الطفل اذا بياخها لفترة معينة .. يعنى لمدة 3-5 أيام
وقال كلما يبر تخف الكحة عندها وعقب ممكن تزول
والحمدلله ..قريب بكمل 5 سنوات .. والكحه راحت عنه تقريبا .. وما ترجعله إلا بعد فترة طويلة جدا
هذي تجربتي مع ولدي .. والله يشافي ولدج
ان شاء الله ربي يشافيه ويعافيه