السلام عليم ورحمة الله وبركاته
بنات بليز اللي بتروح بانكوك او تعرف حد بيروح خلال هالايام بليز تساعدني، انا مروحه المستشفى الامريكي هناك من كم شهر ومسويه فحوصات لبنتي وسوولها اشعه مقطعيه بس ما عطوني السي دي، وحاليا اتابع حالتها ويا دكتورة فأمستردام، وطلبتني السي دي عشان تشوف الاشعه، واتصلت فيهم وايد بهدلوني لين طلعوها، والحين قالوا احنا ما نتعامل ويا شركات ولا بريد عشان نطرشه، لازم حد ايي يستلمه، دخيلكن بنات يعله فميزان حسناتكن، اللي تعرف حد بيروح تخبرني او تراسلني عالخاص، واجرها عند رب العالمين، ويعله فميزان حسناتها يارب،،،
والسموحه عالاطاله
هلا اختي نحن يوم سرناا تايلند صوب المستشفى الامريكي
كان في واحد عراقي هوو اللي حجز لنا الفندق وكان يسير يسوي لناا مواعيد في المستشفى
ويطلع لناا فحوصاتنا… إذا تبين رقمه بطرشه لج ع الخالص يمكن يساعدج
اذ تبين طرشيلي ع الخاص وبطرشلج ^^"
اختي شوفي السفارة في بانكوك بتساعدج وما بتقصر وياج
والله يشفي بنتج ان شاء الله
صج شوفي السفاره
وان شاء الله الحريم لي يسافرن بانكوك ما يقصرن
وربي يعافي بنتج
للرفع
تسلمون عالمرور والدعاء الطيب
الله يشفي بنتج واذا سمعت ان في حد بيسير بخبرج 
بس اسألي السفاره اكيد هم يرومون يطرشونها لج