السلام عليكم والرحمه
شخباركم بنات عساكم الا بخير 
بنات أمس بديت أتدرب حق السواقة ف مدرسة الإمارات للقيادة السيارات ف العين
بديت area1 مدري حسّيت خبصت الدنيا 
تدربت ع كيف أرد وارجع السياره ، وكيف أشكل رقم 8 << هذول تقريبا ضبطهم مع شوية تخبيصات
بسسسس مال شكل مربع مذكر شو الخبيصه يلي خبصتها احس ما كنت اشوف شيء والمدربة كل دقيقه تمسك بريك 
هالشيء طبيعي حق وحدة توها بدت ولا لا علما باني اول مره أسوِّق 
وابا اعرف كيف أتعود ع البريك احس مول ما احس به الا اخر شيء دوووف هههه
وبعد ما حسّيت مركزه مول كله جدام والسكان ركزت
شجعوني وأعطوني نصائحكم بليز 
ههههههه عادي حبيبتي لانه اول مرة
بس شوي تشجعي وتغلبي ع الخوف والموضوع بيكون سهل
انا شراتج في البداية لان كان اول مرة لي
لكن الحين خذت الليسن ولله الحمد والموضوع بسيط وبالتعود
عادي غاليتي ماحد نولد وهو متعلم
عادي تخبصين هههههههههه
أهم شي في السواقة انج تنتبهين وتركزين وبعدين بيصير كل شي روتيني
ربي يوفقج
المشاركة الأصلية كتبت بواسطة المعآني 
بس شوي تشجعي وتغلبي ع الخوف والموضوع بيكون سهل
انا شراتج في البداية لان كان اول مرة لي
لكن الحين خذت الليسن ولله الحمد والموضوع بسيط وبالتعود
المشاركة الأصلية كتبت بواسطة ثريا 2024 عادي تخبصين هههههههههه
أهم شي في السواقة انج تنتبهين وتركزين وبعدين بيصير كل شي روتيني
ربي يوفقج
تسلمون فديتكم ما قصرتوا 
وأبشركم اليوم سويت أحسن يشوي عن أمس ولله الحمد
وان شاء الله مع الأيام بسوي احس وأحسن
خلج واثقة من نفسج وبسسسس
موفقه حبيبتي 
زين غاليتي ربي يوفقج وتبشرينا بالنجاح ان شاء الله
عادي حبيبتي هالشي طبيعي جدا
مافي حد ينولد وهو يعرف يسوق
عشان جذي هم مسوين السواقه مرآحل
كل اللي عليج تكونين ريلاكس وتسوين اللي تقولج عليه المدربه
وماراح تتعلمين السواقه العدله الا بعد ماتاخذين الليسسن وتمارسينها وتكونين بروحج
بس للوقت الحالي انتبهي عدل وعن البريك دوسي عليه شوي شوي لين توقف السياره
بالتوفيق 