اللولب ولا الحبوب

بنات انا محتارة ماعرف شو اسوي ابا امنع لاني مربيه من 3 شهور

رحت للدكتورة رجاء سماكر في عيادة ابن النفيس في بوظبي قلتلها ابا حبوب كشفتني من تحت وقالت انصحج باللولب

بصراحه خفت اول شي لاني اول مرة اسيرلهاا وماقد سمعت حد انه ركب عندهااا وثاني شي اخاف من اللولب

قلتلهاا ابا حبوب اذا مارتحتلها بركب لولب قالتلي على راحتج

وكتبتلي على حبوب ياسمين قلتلهاا اتمتن قالت لا

وللحين ماخذيتها خايفة منهاا

وبسال اذا الوحدة تبا حبوب مب يسولها تحليل للهرمون تشوف الدكتورة شو اللي يناسبهاا من حبوب؟؟

وشو رايكم في الدكتورة رجاء سماكر؟؟

وشو احسن اللولب ولا الحبوب؟

والله محتارة ابا شي مضمون الطرق الطبيعيه مافادت وياي

ابا ارتب جسمي قبل لا يفر الريل ^____*

لا آخذ موانع ولا ركبت لولب ولا خذت حبوب .. استعمل العزل الطبيعي لني ما احب آخذ شي ممكن يأثر فيني بشكل سلبي . فالحمدلله كل شي طبيعي وجسمي نظيف

الي ساعدني ان دورتي منتظمه وكل 28 يوم .. فأقدر احسبها صح واتجنب الايام اليكون فيها الاخصاب .. والحمدلله زوجي كان يساعدني واايد .. انشاء الله بنوتي تكمل سنه وافكر احمل بثاني بيبي

ليش أأخر ابا اعمارهم متقاربه وأأييب كل اعيالي ان شاء الله لو الله رزقني قبل الثلاثين ..خخخـ

وعلى الله نتوكل .. والله يحفظكم

_______________

وشي ثاني انا حميتي وكذا وحده اعرفها استخدموا حبوب ياسمين سببت لهم تقرح واحتاجوا لعمليه حتى يتخلصون منه ، انا ما تعمقت معاهم فالموضوع بس الي عرفته ان السبب من القرحه هي حبوب ياسمين !!

واللولب سبب التهابات لوحده اعرفها واظطرت انها تتعالج وااايد قبل لا تحمل

_________________

بختصار لو تقدرين تستعملين لعزل الطبيعي يكون افيد لج وتكونين مطمئنه لا اثار جانبيه ولا شي وهو فالبدايه بيكون صعب عليج وعلى الزوج لكن ان شاء الله بتتعودون والاهم تكونون متفقين ومقتنعين .. إلا هي 10 ايام او 7 ايام تكونين حذره فيها ..

المشاركة الأصلية كتبت بواسطة ام مهرو

أنا وأخواتي ما نأخذ حبوب لان حبوب له اثار جانبية أنا ركبت لولب لمدة ثلاث سنوات والحين شليت لأني ابي احمل وحملت الحمد لله واختي الحين كملت خمس سنوات مركبة لولب والحمدلله أنا بعد انصحج بلولب واذا انتي مب مرتاحة روحي عند دكتورة ثانية وانتي سألتي عن دكتورة والله ما اعرف أنا من الشارجة بس ركبت لولب في عيادة خاصة

ما شاء الله

المشاركة الأصلية كتبت بواسطة وهج الإمارات

انا عن نفسي مريحه عمري من هالتفكير .. الحمدلله مربية من 11 شهر وبنوتي بتكمل سنه قريب .. الله يحفظها

لا آخذ موانع ولا ركبت لولب ولا خذت حبوب .. استعمل العزل الطبيعي لني ما احب آخذ شي ممكن يأثر فيني بشكل سلبي . فالحمدلله كل شي طبيعي وجسمي نظيف

الي ساعدني ان دورتي منتظمه وكل 28 يوم .. فأقدر احسبها صح واتجنب الايام اليكون فيها الاخصاب .. والحمدلله زوجي كان يساعدني واايد .. انشاء الله بنوتي تكمل سنه وافكر احمل بثاني بيبي

ليش أأخر ابا اعمارهم متقاربه وأأييب كل اعيالي ان شاء الله لو الله رزقني قبل الثلاثين ..خخخـ

وعلى الله نتوكل .. والله يحفظكم

_______________

وشي ثاني انا حميتي وكذا وحده اعرفها استخدموا حبوب ياسمين سببت لهم تقرح واحتاجوا لعمليه حتى يتخلصون منه ، انا ما تعمقت معاهم فالموضوع بس الي عرفته ان السبب من القرحه هي حبوب ياسمين !!

واللولب سبب التهابات لوحده اعرفها واظطرت انها تتعالج وااايد قبل لا تحمل

_________________

بختصار لو تقدرين تستعملين لعزل الطبيعي يكون افيد لج وتكونين مطمئنه لا اثار جانبيه ولا شي وهو فالبدايه بيكون صعب عليج وعلى الزوج لكن ان شاء الله بتتعودون والاهم تكونون متفقين ومقتنعين .. إلا هي 10 ايام او 7 ايام تكونين حذره فيها ..

وبالأخير شوفي الي يناسبج وامشي عليه .. والله يوفقج اختي

انا خاطري اتم ع الطبيعي بس محد يثق فالرياييل خاصة اني حملت فالثانية من هالطريقة وطبعا خون فيني

وطريقة العد مافهمتها الصراحه

والله اسمع عن البلاوي بس شسوي الله يحميينا

المشاركة الأصلية كتبت بواسطة بنت ابوها79

انا الحمدلله ركبت لولب من بعد ما اخذت الحبوب وتلعوزت ما انتضم بالوقت

في اجسام تتقبل الحبوب وفي اجسام لا
واللولب نفس الشي

2 من حريم اخواني حملوا عاللولب وراحن اللحين يستخدمن حبوب

الله كريم ياختي شنسوي

تسلمين حبيبتي ع الرد