السلام عليكم ورحمة الله وبركاته
بنات ابوية راد من السفر و ابي اسوي له قطايف>> مفاجأة رمضان
وايد يحبها .. منو بتعلمني شقايل اسويها مع العلم اني باخذ العجينة الجاهزة
من الجمعية يعني ابي بس الحشوة وطريقة التحضير >> ابيها مبطلة من جانب واحد وعليها فستق و مكسرات مش مسكرة كامل
كيف اقليها وهي مبطله من جانب واحد؟؟
وابي اعرف طريقة تحضير المعجنات اللي تكون على شكل قمع بسكوت الايسكريم
و يحشونها عقب ..
ابي اعرف هذه شو ممكن نستخدم فيها حشوات ؟؟
اتمنى تكونوا فاهمين قصدي.. ودرجة حرارة الفرن كم تكون عادة للفطاير؟
بلييييز علموني
السموحة على الاطالة
http://forum.uaewomen.net/showthread…0#post15297950
http://forum.uaewomen.net/showthread.php?t=530441
المشاركة الأصلية كتبت بواسطة النقيه 
مقادير العجينة :
2 ونصف كوب طحين
1 كوب سميد ( طحين سيمولينا )
رشة ملح
4 ملاعق كبيرة سكر
1 ملعقة صغيرة خميرة
املعقة صغيرة بيكينغ باودر
نحط المقادير مع بعض ونعجنهم بأربع أكواب ماء دافيء أو حليب على راحتج أنا بس أحط ماي أحلى .
وبعدين نتركهم يخمروا لمدة عشر دقايق فقط انتبهي لاتخلين العجينة تخمر أكثر عن عشر دقايق .
وبعدين نسخن مقلاة ( تاوه ) أو الطوبي الخاص بخبز الرقاق ونخليه يسخن ونمسح بزيت عقب نصب العينه
على التاوه بشكل دواير متوسطة ونحمر العجينة من وجه واحد فقط .
ونحطها بفوطه ومانعرضها للهواء أبدآ حتى تكتمل باقي العجين .
أما الحشوات :
حشزة الكسرات : كوب من المكسرات أي نوع تبينه ملعقة ماء ورد ملعقة ماء زهر ملعقة سكر خشن ونخلط
المقادير وبذلك تكون الحشوه جاهزة .
حشوة الجبن : نص كوب جبن عكاوي نبشره ونغسله عدل لين مايروح طعم الملح نص كوب جبنه بلغاري وبعد نغسلة لين مايروح طعم الملح عقب نحطهم في صحن ونضع عليهم ثلاث ملاعق قطر ساخن ونحركهم عدل حتى تتجانس الحشوة وبهذي الطريقة تكون جاهزة .
حشوة القشطة : علبة قشطة أي نوع تبينة نص كوب حليب طازج ملعقة نشاء ونص ملعقة طحين وشوية ماء ورد وماء زهر ثلاث ملاعق سكر فستق مطحون
الطريقة تحطن الحليب الدافيء في جدر وتحطين السكر والنشاء والطحين وتخلطين عدل عقب تحطينهم على الغاز وتحركين لين مايصير الحليب جامد مثل المهلبية عقب تسكرين الغاز وتحطين على الحليب القشطة وتحركين المقادير عدل وعقب حطي الحشوة بالثلاجة واتركيها تبرد عدل عقب حطي عليها الفستق وحركيها وجذيه تكون جاهزة .
حشوة جين كيري وفيلادلفا : تخلطين جبن كيري مع فيلادلفيا وعقب تحشين القطايف .
وعندج بعد حشوة السميد : كوب حليب نص كوب سميد علبة قشطة وثلاث ملاعق سكر وماء زهر وماي ورد
خلطي الحليب الدافيء مع السميد والسكر وماء الزهر وماء الورد وحطيهم على الغاز لين مايصير الحليب غليظ عقب حطي القشطة وحركي المزيج لمدة دقيقة وقفلي الغاز وجذيه تكون الحشوة جاهزة .
بعدين تسوين القطر : كوبين وربع سكر كوب ماء ونصف ليمونة ولازم قطر القطايف يكون غليظ حطي السكر والماء مع بعض على الغاز ويوم يبدآ المزيج يغلي قصري عى الغاز واتركي القطر لمدة سبع دقايق بعد سبع دقايق عصري الليمونة وسكري الغاز .
طبعآ بعد ماتحشي القطايف سخني الزييت عدل لين مايصير حامي جدآ وقلي القطايف على شكل دفعات صغيره يعني اربع حبات اربع حبات وقلبي بسرعة عشان القطايف ماتحترق وماتخلينها اكثر عن دقيقة ف الزيت لان الزيت بيكون وايد حار وبتحمر القطايف بسرعة وعلى طول اول ماتطلعينها من الزيت غمسيها في القطر لازم القطر يكون بارد والقطايف حاره وايد وعقب ماتغمسيها في القطر اتركيها تبرد ولاتحطي حبات القطايف على بعض عشان ماتصير لينه وبس جربي هالطريقة وماراح تندمين
من الذ حلويات رمضان هي القطايف … وطريقتها سهله
الطريقة :
1 ك سميد ناعم
2 ك طحين
1 م صغيره خميره
2 م وسط بيكن باودر
رشة ملح
ربع كاس سكر
3 ك ماء او اكثر حسب الطحين
الطريقه:
تخلط المقادير وتكون سائله وقابله للصب
وهي المقادير بعد الخلط
وفي القلايه نضع مقدار مغرفه صغيره في المقلى الغير قابله للالتصاق تكون النار وسط وحتى ينشف شكلها وتحمر من جهه وحده فقط
هذا بعد التحمير نتركها اشوي لانها راح تكون ساخنه جدا ولا تحطيهم فوق بعضهم عشان ما يلزقو على بعض… وممكن حفظها بالافظه لحين الانتهاء من المقدار كله
وفي ملاحظه : لا تتركينها مده طويله على النار حتى ماتنشف اطرافها كثير وبعدين ما تلصق … يعني من تنشف وتتحمر خفيف شليها من النار
ونحشيها جبن كيري او قشطه
ثم نقليها
او نعملها عصافيري بدون قلي ومحشيه بالقشطه وتسقى بالقليل من القشطه اثناء تقديمها
وبالعافيه