بسم الله الرحمن الرحيم
خواتي الفزعة ..
غسالة أهلي الحبيبة اختربت ما أدري شو صار لها …
يوم كانو ف بيتيهم الأولي كانت روعة …
بس من يوم نقلوا لبيت ثاني ما أدري كل يوم عطلانة …
صارلها معهم سنتين وكم شهر يعني خارج الضمان …
المشكلة انهم من كم شهر نقلوا ع بيت جديد وطبعا جابوا سبك يركبها مو من التوكيل ..
وكل شوي عطلانة … بس ترجع تشتغل
من كم اسبوع تضوي ضو احمر مكتوب ع الشاشة E1
وبس ما تتشتغل …
اريد أجيب الضمان وادفع لهم مو مهم بس ينفع …
المشكلة ما عندي رقمهم وما أدري بيرضوا يصلحوها وهي خارج الضمان خاصة ان التركيب ما كان من عندهم
هيه صحيح هي نوع إل جي .. حنا ف أبوظبي بين ياس …
ساعدوني اللي تعرف شي ضروي حليلها أمي صايرة لحالها وما فيها طاقة ع غسال المواعين.
خواتي ما تبخلوا علي برد يريح أمي…
ربي يسعدكم ..
يستوي حبوبه أتصلي فيهم وبيصلحونها لكم بفلوس مدام خلص الضمان أتصلي فيهم ولا تترددي .. بالتووووووفيق ان شاء الله..
اتصلي ولا تترددي
طيب ما حد عنده رقم التوكيل ؟
شوفي شو ماركة الغسالة واتصلي بالمكان اللي ماخذينه منهم
او وديها اي حد يصلحها
بامانة عندي غسالة بس والله للحين ما فتحتها ..ما اعرف متى بتشرف وبفتحها؟
اخذي رقمهم من المحل الي خذتو منه الغسالة
وبيحاسبونكم عالخدمة
الله يحفظ الوالدة ويرزقها الصحة والعافيه