خواتي منيه عندها فكرة عن الفحوصات اللي يسوونها قبل الزواج؟؟
شو الأمراض اللي يفحصونها؟
هل الثالاسيميا ألفا من ضمنها؟
.gif "12 (4)")
ووين يسوون هالتحاليل؟
وفي حال انه التحاليل مش اوكي (لاقدر الله)
يمنعون الزواج؟
.gif "12 (32)")
أتريا ردكن حبيباتي
والله اني أحاتي
أخاف يتفركش كل شي
.gif "12 (1)")
دعواتكن الحلوة
.gif "12 (63)")
اسئلي المراكز الصحية هم بيخبرونج .. الله يتمم كل شي على خير ان شا الله
ياخذون عينه من دمج ويفحصونها
وفيه مرض اللى فالدم مااذكر اسمه لو كان موجود فالشخصين بعيد الشر عنج يمنعوونكم من الزواج
وتوكلي على الله حبيبتي
والله يوفقج
هيه صح ياخذون عينه من دمج بس .. واصلا يوم تروحين تملجين في المحكمه او اي مكان مايزوجوونكم الا وهاي الورقة مووجووده .. وان شاءالله الله يكتب لج خير يالغاليه
لاتزيغين ولاشــــــــــــي الفحص بيكون عن الامراض الوراثيه والمعديه مثل الايدز والكب الوبائي بعيد الشر عنج وعنــــــا كل شسي بيكوون تماااااااااام لاتحاتين
هيه يالغالية يسوون فحص الثلاسيميا ألفا وبيتا …
أنا ربيعتي توها فاحصه هي وخطيبها…وطلع فيها ثلاسيميا ألفا وخطيبها الأنيميا المنجلية… وجاسهم حالت اكتئاااب..الدكتور قالهم عادي يصير تتزوجون بس في احتمال ان يطلع شي في عيالهم بعيد الشر…
وعقبها راحو مركز الثلاسيميا اللي في مستشفى الوصل وقعدو مع دكتور خبيير ووصفهم الحاله وقال شرات ما قال الدكتور الأولاني… وعقبها آخر شي قااالهم كل شي قضاء وقدر ولو كنت أنا مكانكم أو أحد من أهلي كنت مابوقف الزواج وبتوكل على الله لأنه احتمال ضعيف ان شاء الله… وعقبهااا وااايد ارتاحوو من رمسته لأنه وايد طمنهم الحمدلله
وهاي قصة ربيعتي…
ان شاء الله مايكون فيكم شي والله يوفقكم ان شاء الله…وأهم شي الإستخارة لأني ربي بيسر لج
امم انـآ من آسبووع مسـوييه ^^
بسس يـآخذون عينـه من دمج ويشـوفون آلضغط وآلطوول وبيسآلونج كم آسآله يعنيي اذآ تعانين من مرض بعيد آلشررر والدوره منتظمه ولالا الخ ..~
وعـقب 3 ايـآم من آلفحص بتظهرر النتيجه ان شـآءالله خير فديتج ولاتحـآتين ^^
وطمنيينـآ عليج ..~