مرحبا
بنات انااعاني من فراغ كبير بحكم اني ما اشتغل يالسه في البيت من تقريبا 6 سنين .. بصراحه قمت افكر باشياء غريبه تخص الدين والاسلام ….. ادري كلامي يمكن بيكون غريب عليكم بس مرات اقول هل فعلا الله موجود؟؟؟ هل فعلا الاسلام هو الصح؟؟ ليش مب المسيحيه مثلا؟؟ ومرات اقول ليش يعني انصوم شو نستفيد؟ يعني اسئله وايد تدور في بالي عن الدين والاسلام مع اني اصلي واقرا قرآن وكل شي بس هالافكار دايما تيني واحس اني انا غلط في كل اللي اسويه والمفروض ما اتمسك وايد بالدين علشان اعيش مثل ما غيري عايش .. في محيطي اللي عايشه فيه اشوف ناس بعيده عن الله بس سعيدين في حياتهم ومتوفقين … اقول في خاطري يمكن اللي اسويه انا غلط وتبدا تيني شكوك في الدين والاسلام وكل هالامور … بصراحه الفراغ اللي اعيشه صرت اشك واتخيل اشياء وايد ومرات اقول هل فعلا كان في انبياء وصحابه والرسول وقصص كل واحد فيهم هل فعلا صارت … مادري صراحه …
الله يهديج ان شاء الله ..
لاحوووووووووووووووول ولا قوووووة الا بالله
تعووووووووووووووذي من الشيطااااااااااااااااان
واستغفري وايييد
وربي يبعد عنج هالفرااااااااااااااااااغ
هالافكار الشركية خطيرة لأنها مدخل من مداخل الشيطان
يوم بتيج هالافكار قولي اشهد ان لا اله الا الله وان محمد رسول الله
اقري وااايد هالشي
نحن مسلمين بالفطرة ولكن يوم تكبرين تبين تعرفين اكثر فأقري وتعلمي واحمدي ربج على نعمة الاسلام
استغفرالله
حبيبتي حاولي تحضرين محاضرات يمكن تحصلين أجوبه على اسئلتج حاولي تقرين قصص دينيه و محاضرات لشيوخ
تعوذي من الشيطان دايما لانه الشيطان يوسوس لج ويبين لج انه الي تسوينه خطا و يخلي حياتج مليئه بالشكوك انتجاه دينج ^^ بعد احاولي تلهين عمرج باشياء تفيدج ^^
الله يهديج اختي ويهدي ابناء الملسمين ياربي حافظي على صلاتج فوقتها ^^
استغفري ربج ,, شوفي عزيزتي انتي شوتقدرين اتسوين فالبيت؟؟ او برع البيت مثلا اتروحين مراكز تحفيظ ,, تشتركين نادي رياضي ,, او اي شي اتحسين انه تحبينه وتبينه…حاولي وان شالله الله بيوفقج ,, تواصلي معانا فالمنتدى وخبرينا عنج
الغالية .. ها الوساوس كلهااااا من الشيطان الرجيم .. تعووذي منه بارك الله فيج
اصلا وجودج في ها العالم هو دليل على انه الله سبحانه موجود .. هو اللي خلقج .. وهو اللي رزقج وهو اللي هداج للاسلام .. اذا وسوس لج الشيطان بشي قولي .. امنت بالله ورسوله
اقري وياي هذا الحديث ..
وعن أبي هريرة رضي الله عنه قال: قال رسول الله صلى الله عليه وسلم: يأتي الشيطان أحدكم فيقول: من خلق كذا، من خلق كذا، حتى يقول من خلق الله، فإذا بلغه فليستعذ بالله ولينته متفق عليه. وفي لفظ: فليقل آمنت بالله ورسله وفي لفظ: لا يزال الناس يتساءلون حتى يقولون من خلق الله .
عرفتي الغالية؟ هذا كله من الشيطان .. يبغي يوصلج للهاوية وياه .. ابدا لا تسمعين له .. كله تعوذي منه .. !
الشيطان متوعد انه بيدخل الانسان وياه النار .. والله سبحانه يحفظ عباده الصالحين ..
وانتي الحمد لله تصلين وتصومين وتقرين قران .. يعني فيج الخير الحمد لله
اذا انتي حاسة بفراغ وايد .. حاولي تسوين لج اي شغلة ..
قدمي على شغل .. او اشتركي في دوورة .. تعلمي طبخ .. صلي رحمج .. بري والديج
وان شاء الله .. وبإذن الله بتخووز عنج ها الوساوس كلها
واقري هذا الرابط وان شاء الله بيفيدج .. عن كيفية ازالة الوسواس بإذن الله
http://taimiah.com/Display.asp?f=12gwamee-00007.htm
وفقك الله لما يحب ويرضى ^_^