السلام عليكم
شحاالكم؟
هذا طبق سهل و سريع .. و مميز..
اللي بيشوف لون العيش بيقول ..مم كيف طعمه ؟؟ بس هو نفس العيش الابيض العادي..لكن بلون مختلف..
بخليكم مع المقادير و الصور ..
مقادير العيش:
-2 كوب عيش.
-نص حبة ملفوف بنفسجي مقطع شرائح.
-2 لتر ماي.
-مكعب ماجي دجاج.
-ملح.
-شوي من ماي الدجاج.
نفور الملفوف في الماي لين يصبغ الماي بنفسجي و يبهت لون الملفوف.
نصفي الماي..
و نحط 5 أكواب منه في جدر ثاني .. لين يفور ..طبعا العيش مغسول و مودن في ماي و مجهز ..
من يفور الماي حطيت العيش و الملح و الماجي و ماي الدجاج..
و جي انتهينا من العيش ..
ألحين حشوة الدجاج..
المقادير:
-2 صدر دجاج مفور و مقطع مكعبات..( لا تنسين ان نبا من ماي الدياي للعيش)
-1كوب بصل شرائح.
-ثوم مهروس.
-زنجبيل مهروس.
-جزر عيدان .. و ممكن تضيفين فلفل بارد عيدان .. بس انا ماحبه.
-مكعب ماجي دجاج.
-2 او 3 ملعقة طعام أجار مانجو مهروس.
-بهارات حسب الرغبه( ملح-فلفل-كاري-كمون-بهارات مخلوطه او بزار)
هذي صوره توضح المقادير..
نحمر البصل عالضو و نضيف الثوم و الزنجبيل..و الماجي..و عقب نضيف الجزر..والدجاج..و البهارات..و الأجار آخر شي..
و هذي النتيجه النهائيه ..انا حطيت شوي من الأجار فوق الدجاج..
ملاحظه: هذي المقادير ل3-4 أشخاص بس..ممكن تضاعفين الكميه..
هني و عافيه
تسلم يدك على الطبخة
روووووووووووووعة
تسلم ايدج الغالية
شكله غريب
تسلم الايادي
غريب….ويبين انه لذيـــــــذ…تسلم ايديج
تسلمين حبوبه على هاي الأكلة الفنتك وعليكم بالعافية
تسلم يمناج…