السلام عليكم و رحمة الله و بركاته ..
حبيت يا أخواتي اتناقش معاكم عن ظاهره غريبه ع عاداتنا و تقاليدنا و دينا …
و هي …..
*** لبس البنات للعبي اللي تكون نصف دائريه و البنطلون اللي تحتها نفس نقشة العباءه ****
شو صار في الدنيا ؟؟؟ شو هالموضه الغريبه ؟؟؟؟
ندخل المول و اشوف عجب العجاب البنت البنطلون تقريبا كله طالع و الشعر و الكعب ؟؟؟؟ ليش ؟؟؟
صارو الشباب اذا فكرو يخطبون يترددون من اللي يشوفونه ,,, لا القهر اللي تكون لابسه جيه و حاطه يدها بيد زوجها و يتمشون مع فل ميك اب و الشعر ثلاث ارباعه طالع و يمر عليه واحد من ربعه و حرمته جيه ؟؟ شو تكون ردة فعله ؟؟ او اللي مع خوها او بوها ؟؟؟؟؟
بس ابغي اعرف هل هذا الشي ء من عاداتنا و تقاليدنا و دينا ؟؟؟
يا الله اتريا ردودكم ….
اختي هذا اخر الزمان احين زين بعد كم سنه بتشوفين العجب ما شي عباه ممكن منديل اسود مربوط في الشنطه علشان انفرق بين المواطنه وغيرها.
ان انصح اللي يسوون جيه يعقون العباه احسن مادام اللبس كله طالع، العباه تضيع الوقت تحتاج كوي وشل بلاها احسن.
وبالنسبه للريال اللي اهله جذيه اسمحولي مش …………………..
الله يستر علينا كلنا ويهدي البنات والحريم الاماراتيين وغيرهم
والله ثم والله نفس تساؤلاتج مستغربه من هالعبي وهالرياييل اللي مع حريمهم وفل ميكب جدام الرياييل
مابقول الا الله يحفظ ويستر ع بناتنا
اه بس العبايات هاليومين عروض ازياء فساتين الله المستعان
نسأل الله الهداية للجميع
الحمد الله ان حد مثلي لأن صرت ساعات أحس نفسي أن شوي متعصبه بس فعلا ((((إذا خليت خربت ))))
مشكورات خواتي ع الردود و الله يهدي الجميع …
كل فتره ينطرح مثل هالموضوع
واشوف التفاعل والردود
الكل مب عاجبه اللي يصير
هني نوقف إذا كلنا مستنكرين هالشي
منو اللي يلبس ومنو اللي نشوفه بالاسواق كل يوم
وليش أسواقنا صارت العبي اللي تنباع أغلبها للفتنه ومنو يشتريها ؟؟
واذا وحده ماتلبس ووحده من أهلها تلبس أو أربيعتها ليش ما تنصحها ؟
أحس اللي ما يحترم لبسنا وحشمتنا يخلي الغرب يتكلمون عنا ما يحب بلاده و لا يمثل هويتنا ،،،،
صح كلامج ..